2 Kyetsinyinga 29:17 - KITABU KITAKATIFU

¹⁷ Vatanga kutakasa Litembeli lia Yahova ku lidiku liu kutanga liu mweli gwu kutanga, na ku lidiku lia munane liu mweli, vaduuka ku lusimbu lwi Litembeli. Vatakasa Litembeli lia Yahova ku madiku 8, na ku lidiku lia 16, liu mweli gwu kutanga, vamala miyinzi josi.

2 Kyetsinyinga 29:17 ပူးပေါင်းရင်းမြစ်များ

1 Avami 6:3

Keng'oze chu vwingiliru chaali zimita 4.5 kuzia hasi na zimita 9 vugika, kuli hukusigamira hene.

1 Kyetsinyinga 28:11

Daudi yaaha Solomoni muyaayi weve zing'anagani ni lilohiza liosi liu kwumbaka Litembeli, ving'oze via mavikiru harara ni ving'oze vindi viosi, kandi havundu hi igulu, ha vundu hatakatifu kuvita hoosi hu vwasamihilwaa.

2 Kyetsinyinga 29:18

Maku, vandu va Levi vazia ku mwami Hezekia nivavoora, “Kumali kutakasa Litembeli liosi lia Yahova, uvwali vwi vihaanwa viu kusambwa kandi harara ni viju viavwo viosi, ne emesa yu mugadi mutakatifu harara ni viju viayo viosi.

2 Kyetsinyinga 29:3

Ku mweli gwu kutanga mu muhiga gwu kutanga gwi liamiiha lia Hezekia, yigula virivwa vie Litembeli ma kandi ma kandi naavilamba vuhia.

2 Kyetsinyinga 29:7

Vahana viliango vie Litembeli, nivasiminya zitaya, kandi vavura kusamba vimuli anoho kuhaana vihaanwa viu kusamba mu Litembeli lia Nyasaye wa Isiraeli.

2 Kyetsinyinga 3:4

Ekeng'oze chu vwingiliru chaali imbiri wi Litembeli liali nuvuvambalaku, zimita 9, na uvutambi kuzia igulu vwali zimita 54. Mugati musi mwe keng'oze zana mwavakwa izahabu indahi ligali.

2 Kyetsinyinga 30:3

Si vaali vanyara kulilomba ku ing'inga ya kazozo, kigira avasaalisi vaali nivakiri kwitakasa aveene kandi avandu vaali nivakikiri kuvugana harara mu Jerusalemi.