2 Kyetsinyinga 29:16 - KITABU KITAKATIFU

¹⁶ Avasaalisi vazia mu Litembeli kulitakasa. Vatuliza mu Litembeli vindu viosi iviavula kutakaswa, nivavileeta mu mugizi gwi Litembeli. Kutura aheene yaho, vandu va Levi vaavivugula viosi ni vavihila ichova wi Lidaala linene, na vavihila mu livona lia kidironi.

2 Kyetsinyinga 29:16 ပူးပေါင်းရင်းမြစ်များ

2 Samweli 15:23

Avandu vosi vaalira nu mwoyo munene lwa avalondi va Daudi vaatura mu lidaala. Mwami Daudi yambuka mugera gwa Kidironi, naalondwa na avasaza veve, kandi vosi harara vazia kunzira izizaa mwigendanyama.

2 Kyetsinyinga 15:16

Mwami Asa yaatuliza guuku weve Maaka kutura mu vwiyangu vwivwe kuli vwami vwi kikali, kigira yaali naalombi kifananyi chu kuvihiliriza chu munyasaye Ashera. Mwami Asa yononyia kifananyi yicho ligali ma nasambira vidonye viacho mu livona lia Kidironi.

2 Kyetsinyinga 3:8

Keng'oze chu mugati chalangangwa Havundu Hatakatifu ligali, chaali zimita 9 uvutambi kandi zimita 9 uvuvambalaru. Yivu vwali uvuvambalaru vwi Litembeli. Yavaka mugati zana ni zahabu indahi iviti uvulitu vwi zitani 20.

2 Kyetsinyinga 30:14

Vatanga kuyinzira kandi vatuliza uvwali vwosi uvwalange mu Jerusalemi vwu kuhaanira ku visiuviliru kandi kusambira ku kimuli, ku misambwa na vavusiuva mu Livona lia Kidironi.

2 Kyetsinyinga 5:7

Maku vandu va Levi vaginga Lisandugu lie Lilagana lia Yahova ni valihila mu Litembeli nivaliviika Havundu Hatakatifu ligali.

Nehemia 13:9

Ndahaana malago ndi ving'oze viosi vitakaswe kigira muruka gwi idini, kandi iviju vie Litembeli, vihaanwa viuvuswage ni kimuli viranywe mu.

Ezekieli 36:29

Ndakamuhonyie kutura ku vudamanu vwosi. Ndahaana viukulia vinyingi ku munyi na si mulava ninzara kandi mba.

Matayo 23:27

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Muveeye kuli vilindwa vivakiywi ichoka, vifanaa vulahi kwigulu, navuzwa mugati vizuyi vigumba kandi uvugundu vwi miviri ja vakuzu ijiguundaa.

Yohana 18:1

Lwa Yeso yaali niyakamara kovora lisaala yili, yazia engereka wi livona lia Keduroni harara na aviigi veve. Havundu yaho haali nu mulimi, Yeso harara na aviigi veve vazia mu.