2 Kyetsinyinga 29:10 - KITABU KITAKATIFU

¹⁰ “Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

2 Kyetsinyinga 29:10 ပူးပေါင်းရင်းမြစ်များ

2 Avami 23:26

Navuzwa uvululu vwu vutima vwa Yahova vwali ni vuvukiziywi ku vandu vi Ivuyuda kigira agu mwami Manase yaali naakori, na kali kuduuka na kalunu uvutima vwa Yahova vwali ni vukikiri kohomata.

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

2 Kyetsinyinga 23:16

Musaalisi Jehoyada yalomba lilagana ndi Oyo, avandu, kandi umwami, valava avasuuvirifu ku Yahova Nyasaye.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

Ezara 10:14

Koleke avanene viitu vatigale mu Jerusalemi vayinziri ku makuva yaga. Maku koleke vuli mundu woosi aveeye nu mukali mugeni yaaze ku ing'inga etovoleywe, harara na vimiliri kandi avakalagi vi lidaala lilie. Uvutima uvululu vwa Nyasaye wiitu vulatula ku kunyi nikokola makuva yaga.”

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Nehemia 8:6

Ezira yavoola, “Yahova Nyasaye umunene!” Avandu vosi vaginga makono gaavo igulu nivavoora, “Amini! Amini!” Maku vinaminya mitwi jaavo hasi kandi nivasigamira Yahova, mmoni mwavo nimudiiyi hasi.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:5

Simulasinyika ing'inga yoosi mba; simulava nu vutima kigira inzi kazozo mba.’ Isiraeli, yago nigo gamwavora, navuzwa mwakora uvudamanu vwosi kuli munyala.”

Jeremia 34:15

Kunangwa kumadiku makekeeke gavitii mwagirung'anyia zing'anagani zienyu nimukora aganyaanzizaa. Munyi vosi mwavugilira kovoholora avandu va Isiraeli vache, kandi mwalomba lilagana imbiri wange, mu Litembeli aha sigamirwa.

Jeremia 34:18

Avandu vamali kuvunaga lilagana liange kandi vavuli kutwekiza liiva lie lilagana lia valomba ibiri wange, nambakore kuli kemoli chakaranywamu haali kaviri ma nivavitira hagati hividonye viacho.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

2 Vakorintho 8:5

Yicho si chaavita kindu cha kwasuuvira ligali mba! Kutanga vihaana aveene ku Mwami; kandi ku vulaliri vwa Nyasaye, vihaana veene ku kunyi kandi.

Joshua 7:26

Vavungiza kuye kitumi kenene cha magina, ekeveeye yo kuduuka lidiku lia kalunu, yiki nicho chagira havundu yaho nihalangwa Livona lia Akori. Maku Yahova siyaazizagilira kuva nu vutima kuvo mba.