2 Kyetsinyinga 28:9 - KITABU KITAKATIFU

⁹ Haali ho nu muporofeti wa Yahova, uwalangwa Odedi wamenyaa mu lidaala linene lia Samaria. Yagana ni liihi lia Isiraeli liali nivirana na vahambe kutura Ivuyuda lwa vaali nivaveeye ahimbi kwingira mu lidaala linene ma navavoolera, “Yahova Nyasaye wa vaguuga vinyu yavihilirwa na vandu vi Ivuyuda ma naleka munyi muvaguuti; navuzwa kalunu umali kuhulira kuli munyi mu vasinzi mu vutima vonene vugira livelererwa, kali yaga goosi gaduuki mwigulu.

2 Kyetsinyinga 28:9 ပူးပေါင်းရင်းမြစ်များ

Litanga 11:4

Vavoola, “Kalunu gendi kwumbake lidaala linene, ma kolombe munara mutambi kali kuduuka mu ligulu, kunangwa kwelombele lieta kunyi aveene kandi kuvuli kusalana mu lirova liosi.”

Litanga 4:10

Maku Yahova yateva, “Kigira ki umali kokora kindu kidamanu yiki? Amasahi ga amwavo woovo gwaniraa ku inzi kutura kumalova kuli mwoyo gulangiliraa kutunga kisaalia.

1 Avami 20:13

Ing'inga yeyo, muporofeti yazia ku mwami Ahabu navoora, “Yahova avoora, ‘Utatia liihi linene lila mba! Inzi ndakuha vuguuti kulio kalunu ndi, kandi ulamanya ndi inzi mbeeye Yahova.’ ”

1 Avami 20:22

Maku muporofeti yazia ku Mwami Ahabu namuvolera, “Yirana na udinyirizi amahi googo, na ugalohizi vulahi kigira mwami wa Siria alakwingilira kulwaana niivi kandi mumadiku gi imbura muhiga guzaa.”

1 Avami 20:42

Muporofeti yavolera mwami Ahabu, “Yili nilio likuva lia Yahova; ‘Ivi waali kulakula mundu wa inzi ndalaga yiitwi. Kulwa yaga, galava ndi ulatuunga livamwoyo liilio kigira livamwoyo lilie, vandu vovo kigira avandu veve.’ ”

1 Kyetsinyinga 21:13

Daudi yativulira Gadi, “Inzi mbeeye mu kivi kenene; mwaza leka ngwi mu mukono gwa Yahova, kigira zimbavasi zizie ziveeye zinene; navuzwa mburi kugwa mumakono ga avandu.”

2 Kyetsinyinga 28:5

Kunangwa, Yahova Nyasaye weve yaleka mwami wa Siria aguuti Ahazi, kandi naahira avandu avanyingi ligali mu Damasiko kuli avahambe. Yahova Nyasaye yaleka mwami wa Siria aguuti Ahazi kandi ni yita vandu veve avanyingi ligali.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Zaburi 69:26

Vadambizaa oyo wa ivi umali kuha amageri, vameeda uvusaaliri ku yavo ava ivi umali kwata ologoma.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jona 1:2

Yamuvolera, “Zia Nineve, lidaala linene yilio kandi wilwaze kulio, kigira mali kolola uvudamanu vwa avandu valio.”

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Likunula 18:5

Kigira uvwoni vwalio vuvungi kitumi kuduuka mwigulu, kandi Nyasaye wizulizi uvudamanu vwalio.

Vakalagi 3:8

Yahova yaali nu vutima ovonene ligali na vandu va Isiraeli, ma yamanya naavaleka kuguutwa na Kushani Rishazaimu mwami wa Mesopotamia. Yavamiiha ku mihiga munane.