2 Kyetsinyinga 28:16 - KITABU KITAKATIFU

¹⁶ Ku ing'inga yeyo mwami Ahazia yatuma amakuva ku mwami wa Asiria naamugonyaa amuhe ovokonyi.

2 Kyetsinyinga 28:16 ပူးပေါင်းရင်းမြစ်များ

Isaya 10:20

Ing'inga yizaa lwa vandu va Isiraeli vatigara kandi avahononoka valakavuli kusuuvira ihiiri yaali himbi kuvadiviza. Valakaviki lisuuvira liavo ku Yahova, Nyasaye Mutakatifu wa Isiraeli.

Isaya 7:17

“Yahova azizaa koleta ku ivi, ku vandu vovo, kandi ku vosi avinyumba yu vwami madiku gi kivi kidamanu ligali kuvita yago agamala kuduuka kutura uvwami vwa Isiraeli nivwavukanywa kutura ku Ivuyuda - azizaa koleta mwami wa Asiria.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Ezekieli 16:28

“Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.