2 Kyetsinyinga 26:22 - KITABU KITAKATIFU

²² Muporofeti Isaya muyaayi wa Amozi yang'oda vindu vindi viosi viu mwami Uzia yakola mu ing'inga yu vwamihi vwivwe.

2 Kyetsinyinga 26:22 ပူးပေါင်းရင်းမြစ်များ

2 Avami 19:2

Yatuma Eliakimu, munene wasingilira inyumba yu vwami, Shebina, mung'odi wi kiyaalo, kandi avasaalisi vaduukiru kuzia ku muporofeti Isaya, muyaayi wa Amozi. Vaali kandi ni viviki zinguvu zia magunia.

2 Kyetsinyinga 12:15

Vikolwa via Rehoboamu kutura mu litanga kuduuka ku keheri, kandi amakuva gang'odwa ga vinyumba yeeye ganyolekanga mu vitabu via makuva ga kale gu muporofeti Shemaya kandi vitabu via makuva ga kale gu Muporofeti Ido. Rehoboamu na Jeroboamu vamenya mu vulwani vuli ing'inga.

2 Kyetsinyinga 25:26

Vindu vindi viosi via Amazia yakola kutura mu litanga kuduuka ku keheri chi liamiiha lilie, viang'odwa mu kitabu cha makuva ga Avami vi Ivuyuda na Isiraeli.

2 Kyetsinyinga 26:23

Uzia yakuza na yateevwa mu kiguti chukuta mu avami, navuzwa kigira uvulwaye vwo vogere vwivwe, siyateevwa mu virindwa via vami mba. Muyaayi weve Jozamu yavugula ovogono vwivwe kuli mwami.

2 Kyetsinyinga 32:32

Ivindu vindi viosi viu mwami Hezekia yakola, kandi vikolwa vivie vilahi ku Yahova viang'odwa mu kitabu cha Malola gu Muporofeti Isaya muyaayi wa Amozi kandi mu vitabu via makuva ga kale ga “Avami vi ivuyuda na Isiraeli.”

2 Kyetsinyinga 9:29

Vindu vindi viosi via Solomoni yakola, miyinzi jije kutura mu litanga kuduuka ku limalirika, viangiodwa mu kitabu cha makuva gu muporofeti Nazani, mu voporofeti vwa Ahija wa Shilo, kandi mu malola gu muporofeti Ido kandi mu makuva gu vwamihi vwu mwami Jeroboamu wa Isiraeli.

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 6:1

Mu muhiga gwu mwami Uzia yakuza, ndaalora Yahova mu malola. Yaali niyikaye kondeve yeye yu vwami, igulu kandi niigingiywi igulu ligali. Ulukigiti lwi iganza yeye lwizura Litembeli liosi.