2 Kyetsinyinga 26:18 - KITABU KITAKATIFU

¹⁸ kumugaya. Va vola, “Uzia! Si oveeye nuvunyari kusamba kimuli ku Yahova mba. Avasaalisi veng'ine, avaveeye kisukururwi cha Haruni, nivo avatakaswa kokora yaga. Tula ahatakatifu yaaha. Ivi umali kwonera Yahova Nyasaye, na sialakugasiza kandi mba.”

2 Kyetsinyinga 26:18 ပူးပေါင်းရင်းမြစ်များ

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

2 Kyetsinyinga 30:7

Mutava kuli avaguuga vinyu kandi kuli Avaisiraeli vache mba avavura kuva avasuuvirifu ku Yahova Nyasaye wavo. Kuli munyala kolola, yavaha mageri malulu ligali.

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Livalidza 18:7

Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Livalidza 3:10

Ivi ulatovola Haruni harara na vayaayi veve kokora miyinzi juvusaalisi; wundi mundu woosi ogeliza kokora miyinzi yiji aliitwa.”

Matayo 10:18

Kigira inzi mulahilwa imbiri wa avamihi na avami vanene avamihaa vivala muduuki kololekiza Ivangeri kuvo kandi ku zihiiri.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 14:4

Kigira Yohana yavolera Herodi, “Ni vudamanu ivi koleta Herodia, mukali wa amwavo woovo!”

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Vagalatia 2:11

Navuzwa lwa Petero yaduuka Andiokia, ndaahing'ana naye ligali imbiri wa avandu vosi kigira yaali naagoli vudamanu.

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

Yakobo 2:1

Avaamitu vange, kuli avasuuviri mu Mwami wiitu Yeso Kristo, oveeye Mwami wu vukumi, mutayanzilira avandu kolondekana ku ligondo liavo mba.

Joshua 22:15

Vazia mu kivala cha Gileadi, ku vandu va Rubeni, Gadi, ni inusu ya Manase wi Ivugwi.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.