2 Kyetsinyinga 25:5 - KITABU KITAKATIFU

⁵ Mwami Amazia yalanga avasaza vosi harara vi zihiiri zie Ivuyuda na Benjamini mu viduma via vasaza 1,000 kandi viduma via vasaza 100. Vasaza yava vosi avi mihiga 20 anoho avahiindira vaali 300,000. Vaali avatovole vi liihi veetegeki kuzia mu vulwani, avaari no vogeri vwukutumikira amatimu ni zinguva.

2 Kyetsinyinga 25:5 ပူးပေါင်းရင်းမြစ်များ

1 Kyetsinyinga 13:1

Mwami Daudi yavolerana na vanene va mahi geege vosi avaari vanene va vasikari zielefu, avanene vi zimia kandi na viimiliri vosi.

1 Kyetsinyinga 27:1

Yaga nigo mita ga avandu va Isiraeli avaari aviimiliri va avizinyumba ni viliango, avanene va vasikari elefu, avanene vi zimia, kandi na vanene vaavo, avatumikiraa umwami mu makuva goosi kolondekana ni ligavulanywa lie liihi lia yavo avaari ku miyinzi vuli mweli ku muhiga gwosi. Vuli muganda gwaali navasaza vi liihe 24,000; hasi hu munene uwaali ku miyinzi ku mweli gwene yigwo.

2 Kyetsinyinga 11:1

Lwu mwami Rehoboamu yaduuka mu Jerusalemi, yalanga harara avasikari vi liihi avalahi ligali 180,000, kutura mu zihiiri zia Benjamini na Yuda. Yasavira kuzia kulwaana nukwilanyia uvwamihi vwivwe ku zihiiri zia Isiraeli zia Ivaale.

2 Kyetsinyinga 14:7

Yavolera avandu vi Ivuyuda, “Gendi kwumbake madaala manene yaga, kugakumberize ni zingaga zia madigi makandi minaara, virivwa kandi miruguyu. Kivala yiki kikikiri chiitu, kigira kwenyaa Yahova Nyasaye wiitu, kwamwenya, kandi yakuha mirembe ku lovega lwosi.” Kunangwa vumbaka ma nivagasizwa ligali.

2 Kyetsinyinga 14:8

Mwami Asa yaali ni liihi lia avasaza 300,000 kutura Ivuyuda, vaali niviyavaye zinguva na matimu, ma kandi vasaza 280,000 kutura mu kivala cha Benjamini niviyavaye zinguva nu vuta. Vosi vaali avasaza vo vogeri, avizingulu kandi avasuuvirifu.

2 Kyetsinyinga 25:6

Komeeda ku yava, mwami Amazia yahandika avasikari 100,000 kutura mu Isiraeli na vatungwa ahimbi zikilo 3,400 zie ifeza.

2 Kyetsinyinga 26:13

Hasi ha malago gaavo haali ni iliihi lia vasaza vigizwa vulahi kigira vulwani vaali 307,500, liihi lie zinguru ligali liokokoonya mwami kulwaana avasigu veve.

Kutwula 18:25

ma natovora avandu vaduukiru kutura mu avandu va Isiraeli. Yavatovola kuli aviimiliri vi miganda ji zielefu, zimia, ku amausini, kandi ku makomi.

Livalidza 1:3

kutangira ku mihiga 20, avaveeye avadukiru kutumika mu vulwani.

1 Samweli 8:12

Kotovola valala kuvo kuva avanene vukulinda vasaza 1,000, na vandi avanene ku vasaza 50. Avayaayi vinyu valalima milimi jije, vagese viukulia vivie, kandi valombe viugi kandi viju via magare geege gu vulwani.