2 Kyetsinyinga 25:27 - KITABU KITAKATIFU

²⁷ Kutura ing'inga yeyo, lwa Amazia yagirung'ana naleka Yahova, avasigu veve vamwikiruka nivenya kumwiita mu Jerusalemi. Hene yaho, yiruka nazia mu lidaala linene lia Lakishi, navuzwa avasigu veve vamulonda ni vamwitira yo.

2 Kyetsinyinga 25:27 ပူးပေါင်းရင်းမြစ်များ

2 Avami 14:19

Haali ho ni lilohiza lie imbisu mu Jerusalemi ukwita mwami Amazia kunangwa yirukira mu Lidaala lia Lakishi, kunangwa avasigu veve vamulondelera yo ni vamwita.

2 Kyetsinyinga 11:9

Adoraimu, Lakishi, Azeka,

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 22:9

Jehu yenyeleriza Ahazia mbitilira, na vandu veve vagumira Ahazia lwa yaali niyivisi mu Samaria. Vamuleeta ku Jehu ma naamwita. Vaamuta vuzwa kigira vavoola, “Yaali mwisukulu wa Jehoshafati, uwahulira Yahova nu mwoyo gwigwe gwosi.” Kunangwa sihali ho nu mulala munyumba ya Ahazia uwaali nizinguru kuzizagiliriza uvwami mba.

2 Kyetsinyinga 24:25

Lwi liihi lia vandu va Siria vaatura kuzia, valeka mwami Joashi natumitiywi ligali, navuzwa avanene veve 2 vamwikiruka ni vamwitira mu kidali chiche, kuvaanza kisaalia kigira liitwa lia Zakaria mwana muyaayi wa Jehoyada musaalisi. Yateevwa mu lidaala linene lia Daudi, navuzwa si yateevwa mu virindwa viu vwami mba.

2 Kyetsinyinga 25:26

Vindu vindi viosi via Amazia yakola kutura mu litanga kuduuka ku keheri chi liamiiha lilie, viang'odwa mu kitabu cha makuva ga Avami vi Ivuyuda na Isiraeli.

2 Kyetsinyinga 25:28

Muviri gwigwe gwaagingirwa ku barasi nigoletwa mu Jerusalemi, ma naateevwa harara na vaguuga veve mu virindwa viu vwami mu lidaala linene lia Daudi.

2 Kyetsinyinga 33:24

Avanene va Amoni vamwikiruka ma nivamwitira munyumba yeeye yu vwami.

Joshua 10:31

Inyima wa yaga, Joshua harara na iliihe lilie vazizagilira kutura Libuna kuduuka Lakishi, nivalikumbiriza kandi ni valilwaana.

Joshua 22:15

Vazia mu kivala cha Gileadi, ku vandu va Rubeni, Gadi, ni inusu ya Manase wi Ivugwi.