2 Kyetsinyinga 25:19 - KITABU KITAKATIFU

¹⁹ Kalunu mwami Amazia, ivi welolaa ndi umali kuguuta vandu va Edomu, navuzwa inzi ng'ogelihiza ove hango; Kigira ki utaangiza uvudinyu vulileta ikivi ku ivi mwene na vandu vovo?”

2 Kyetsinyinga 25:19 ပူးပေါင်းရင်းမြစ်များ

2 Kyetsinyinga 25:20

Navuzwa Amazia yavula kuhulira. Vwali uvulariri vwa Nyasaye ku Amazia kuguutwa, kigira yaali natovoli kusigamira avanyasaye va Edomu.

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

2 Kyetsinyinga 32:25

Navuzwa Hezekia yaali niliegingira linene ligali kali siyaali unyala kumanya lisandiza ku aga Yahova yaali naamukoleye mba. Ku lwayago, uvutima vwa Yahova vwaduuka kuye, Ivuyuda kandi Jerusalemi.

2 Kyetsinyinga 35:21

Navuzwa mwami Neko yatuma makuva yaga ku mwami Josia kumuvolera, “Vulwani yivu sivoveeye kigira ivi mwami wi Ivuyuda mba. Inzi sinzizi kulwaana ivi, navuzwa kulwaana avasigu vange, na Nyasaye yamboleeye ngole vwangu, kigira aveeye harara na inzi. Kulwayago, utahing'ana na inzi mba, gase alakudiviza.”

Tsing'ano 13:10

Liegingira si liletaa kindu, navuzwa liletaa vudinyu. Voveeye vulahi kwenya miigizu.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Tsing'ano 18:6

Makuva gumundu musiru galetaa volembani, goosi agaavoola galetaa vudinyu kuye.

Tsing'ano 20:3

Mundu musiru atangizaa mahangali, navuzwa voveeye vulahi kweleha kugo.

Tsing'ano 26:17

Mundu wingira mu lihing'ana litaveeye lilie, aveeye kuli mundu uzizaa kunzira ma agimira matuu gi imbwa.

Tsing'ano 28:25

Mundu wenya lilia linyingi aletaa vudinyu, navuzwa oyo usuviraa mu Yahova alanyoola vutugi.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Luka 14:31

“Mwami ki oveeye na avasikari zielefu likomi niyenyaa kuzia kulwaana nu Mwami wundi oveeye navasikari zielefu sirini utikara hasi kutanga nukuganagana niiva anyala.

1 Vakorintho 1:29

Munzira yiyi sihaveeye nu mundu unyala kwigingira imbiri wa Nyasaye mba.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”