2 Kyetsinyinga 25:16 - KITABU KITAKATIFU

¹⁶ Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

2 Kyetsinyinga 25:16 ပူးပေါင်းရင်းမြစ်များ

2 Kyetsinyinga 10:15

Vwali uvulariri vwa Yahova Nyasaye adukize aga yaali niyamoloma ku Jeroboamu muyaayi wa Nebati kuvitira mu muporofeti Ahija kutura Shilo. Yiki nicho chagira mwami navula kuhulira makuva ga vandu.

2 Kyetsinyinga 16:10

Yaga galoomba mwami Asa kuva nu vutima nu muporofeti Hanani, na yalaga muporofeti avofwe ni aviikwi ku minyororo na avikwi munyumba ya vahambe. Yaali ing'inga yiyi lwu mwami Asa yaatanga kudambiza avandu valala mu Ivuyuda.

2 Kyetsinyinga 18:25

Maku mwami Ahabu yalaga mulala ku vanene veve, “Gumiri Mikaya na mumuhile ku Amoni, munene wi lidaala linene kandi ku Joashi muyaayi wu mwami.

2 Kyetsinyinga 24:20

Hene yaho Roho wa Nyasaye yaduuka ku Zakaria muyaayi wa Jehoyada musaalisi. Yasingira havundu ha vandu vosi vaali vanyara kumulora, navoora, “Yahova Nyasaye ateeva, ‘Kigira ki si mwahulira malago geege, na muletaa kivi ku munyi aveene! Mwaleka Yahova na Yahova ya mulekaa.’ ”

2 Kyetsinyinga 24:21

Mwami Joashi yahambana na vandu nivikiruka muporofeti Zakaria, na ku lilaga liu mwami, avandu valasa Zakaria na magina mu mugizi gwi Litembeli.

2 Kyetsinyinga 25:15

Agene yaga gakoraa Yahova kuvihilirwa mu lituma muporofeti ku Amazia. Muporofeti yamuteeva, “Kigira ki ivi umali kusigamira avanyasaye vageni avatanyala kali kohonya vandu vaavo kutura mu zinguru zizio?”

2 Kyetsinyinga 25:17

Mwami Amazia wi Ivuyuda harara na vagerihizi veve, viikiruka kulwaana Isiraeli. Maku yatuma amakuva ku mwami Jehoashi wa Isiraeli, uwaali mwana muyaayi wa Jehoahazi, mwisukulu wa Jehu, yamulaanga yaze valwaane naye.

Kutwula 10:28

Yavolera Musa, “Tula imbiri wange! Utangola ndore ivi kandi mba! Lidiku liandikolola, ulakakuzi!”

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Tsing'ano 1:29

Munyi mwasuura ovogeri, kandi mwasuura kutia Yahova.

Tsing'ano 1:30

Si mwenya kuhulira lieganihiza liange anoho amigizu gange lwa ndamwigiza mba.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Jeremia 43:4

Kunangwa Johanani anoho mulala ku avanene vi liihi anoho mulala ku avandu sivalatia malago ga Yahova kutigala mu kivala chi Ivuyuda mba.

Ezekieli 33:4

Niiva umundu alahulira navuzwa achaye kandi musigu yaze ma amwiti, maku aladulwa kigira likuza lilie mwene.

Matayo 21:23

Yeso yingira kandi mu Litembeli ni yigiza. Lwa yaali ni yigizaa, avasaalisi vanene na vakulundu vamuteeva, “Okolaa ivindu yivi ku vunyali vwa vwaha? Nivwaha wakuha uvunyali yivu?”

Vikolwa 4:28

Yee, vavugana harara vaduuki kokora vindu viosi via Ivi wasaavira kokora vindu viosi mu zinguru zizio kandi mu vulaliri vuvwo.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.