2 Kyetsinyinga 24:27 - KITABU KITAKATIFU

²⁷ Amakuva ga vana va Joashi, Ovoporofeti vunyingi kuye, makandi kolomba Litembeli lia Nyasaye, gang'odwa mu kitabu cha makuva ga vami. Na Amazia mwana weve muyaayi yamiha mu vogono vwivwe kuli mwami.

2 Kyetsinyinga 24:27 ပူးပေါင်းရင်းမြစ်များ

2 Avami 12:18

Mwami Joashi wi Ivuyuda yavugula vihaanwa viosi via vami vosi avaari imbiri weve: Jehoshafati, Joramu, na Ahazia vaali ni vaviika ha lovega ku lwu vutumiki vwa Nyasaye, nameda ku vihaanwa vivie mwene, kandi izahabu yoosi kutura mu mavikiru gi Litembeli kandi gi inyumba yu vwami, ma navituma viosi kuli kihanwa ku mwami Hazaeli, uwamanya natuliza liihe lilie liosi kutura Jerusalemi.

2 Avami 12:21

Vanene zana avamwita vaali Jozakari muyaayi wa Simeazi na Jehozabadi muyaayi wa Shomeri. Joashi yayavirwa mu vilindwa viu vwami mu Lidaala Linene lia Daudi, kandi muyaayi weve Amazia yavugula ovogono vwivwe kuli mwami wi Ivuyuda.

1 Kyetsinyinga 3:12

Amazia, Uzia, Jozamu,

2 Kyetsinyinga 13:22

Amakuva ga kale ga Abija, aga yavoola, zinzira zizie kandi aga yakola, gang'odwa mu vitabu via makuva ga kale gu Muporofeti Ido.

2 Kyetsinyinga 16:11

Vindu viosi via koleka mu liamiiha lia Asa kutura mu litanga kuduuka mu limala, viang'odwa mu makuva ga kale ga vami vi Ivuyuda na Isiraeli.

2 Kyetsinyinga 20:34

Vindu vindi viosi viu mwami Jehoshafati yakola, kutura mu litanga lie liamiiha lilie kuduuka ku keheri, via ng'odwa mu vitabu via makuva ga kale ga Jehu mwana muyaayi wa Hanani, kandi gang'odwa nu vitabu via makuva ka kale ga vami va Isiraeli.

2 Kyetsinyinga 24:12

Mwami Joashi nu musaalisi Jehoyada vaavugura mabesa yaga nivaha yavo avasingilia miyinzi jo kolomba hi Litembeli lia Yahova liasasuguka. Venya avasaza vaari nu vusiza vwu kwumbaka, nu kuvaaza, kandi avaari nu vusiza vwu kuyinzira ni vivia kandi nu mugasa kolomba hi Litembeli lia Yahova liasasuguka.

2 Kyetsinyinga 24:26

Avanene vaviri avamwikiruka ni: Zabadi muyaayi wa Shimirizi mukali wa vandu va Amoni, na Jehozabadi muyaayi wu mukali wa vandu Ava Moabu Shimirizi.

2 Kyetsinyinga 25:1

Amazia yaatanga kwakwiha naveeye ni mihiga 25. Yamiha mu Jerusalemi ku mihiga 29. Mama weve yaali Jehoadini kutura Jerusalemi.

2 Kyetsinyinga 9:29

Vindu vindi viosi via Solomoni yakola, miyinzi jije kutura mu litanga kuduuka ku limalirika, viangiodwa mu kitabu cha makuva gu muporofeti Nazani, mu voporofeti vwa Ahija wa Shilo, kandi mu malola gu muporofeti Ido kandi mu makuva gu vwamihi vwu mwami Jeroboamu wa Isiraeli.