2 Kyetsinyinga 24:24 - KITABU KITAKATIFU

²⁴ Kali niiva iliihi lia vandu va Siria vingilira na vasaza vakeekeke, navuzwa Yahova yavakola nivaguuta kiduma kenene chi liihi lia vandu vi Ivayuda, kigira vaali nivaleki Yahova Nyasaye wa vaguuga vaavo. Munzira yiyi, mwami Joashi yahevwa amageri.

2 Kyetsinyinga 24:24 ပူးပေါင်းရင်းမြစ်များ

2 Avami 12:17

Ku ing'inga yeyo, mwami Hazaeli wa Siria yingilira lidaala linene lia Gazi kandi naliguuta; maku yatovola kutulira Jerusalemi.

2 Kyetsinyinga 16:7

Ing'inga yene yeyo, muporofeti Hanani yazia ku mwami Asa navoora, “Kigira wesedemaa ku mwami wa Siria na nuvula kwesedema ku Yahova Nyasaye woovo, iliihi liu mwami wa Isiraeli liahononoka kutura ku ivi.

2 Kyetsinyinga 22:8

Lwa Jehu yaali naadukizaa lilago lia Nyasaye ku vwami vwa vinyumba ya Ahabu, yanyoora avanene vi Ivuyuda kandi avayaayi va vamwavo Ahazia avaari nivamuheleki, na yaviita vosi.

2 Kyetsinyinga 24:20

Hene yaho Roho wa Nyasaye yaduuka ku Zakaria muyaayi wa Jehoyada musaalisi. Yasingira havundu ha vandu vosi vaali vanyara kumulora, navoora, “Yahova Nyasaye ateeva, ‘Kigira ki si mwahulira malago geege, na muletaa kivi ku munyi aveene! Mwaleka Yahova na Yahova ya mulekaa.’ ”

2 Kyetsinyinga 28:5

Kunangwa, Yahova Nyasaye weve yaleka mwami wa Siria aguuti Ahazi, kandi naahira avandu avanyingi ligali mu Damasiko kuli avahambe. Yahova Nyasaye yaleka mwami wa Siria aguuti Ahazi kandi ni yita vandu veve avanyingi ligali.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 30:17

Avandu 1,000 ku munyi valiruka zimbiru ligali lwa valora musikari mulala musigu, kandi avasikari 5 vuzwa valamuloomba mwosi kwiruka zimbiru ligali; kali mulala sialatigala ku vandu viliihi lienyu, nigataveeye musaala gwembendera gweng'ine kusonga yi kiguru!

Jeremia 37:10

Kali niiva mulaguuta liihi liosi lia vandu va Babiloni, mavatigale avamali kurumindwa veng'ine nivagoni mumahema gaavo, avandu yavo vanyara kuvuka nukusamba lidaala yili nu muliru.”

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Kyavalevi 26:37

Mulikigitala aveene naveene kuli avirukaa kutura mu vulwani, lwa ataveeye ho nu umundu umukunga; kandi si mulava nizinguru kulwaana avasigu mba.

Kyavalevi 26:8

vatano ku munyi valaguuta vasigu mia moja; kandi mia moja ku munyi valaguuta avasigu zielefu likomi, kandi avasigu vinyu valaguutwa ni kivavi.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Zefania 1:2

Yahova yavoola “Nziza kudiviza vuli kindu choosi ku lirova.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.