2 Kyetsinyinga 24:21 - KITABU KITAKATIFU

²¹ Mwami Joashi yahambana na vandu nivikiruka muporofeti Zakaria, na ku lilaga liu mwami, avandu valasa Zakaria na magina mu mugizi gwi Litembeli.

2 Kyetsinyinga 24:21 ပူးပေါင်းရင်းမြစ်များ

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Zaburi 94:21

Avazilohizaa mu vwivisu kokolera avandu valahi uvudamanu. Kandi avakalagiraa avandu vataveeye niimbala likuza.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 20:2

yalaga inze kugumirwa, kukuywa kandi nukumbika mu ijera ahimbi ni kirivwa cha Benjamini mu Litembeli lia Yahova.

Jeremia 26:2

Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Jeremia 26:21

Lwu mwami Jehoyakimu navasikari veve navatumikiri veve vahulira aga Uria yaali namali kovora, mwami yageriza kumwiita. Navuzwa Uria yaagahulira; kunangwa yiruka mu vuti nazia Egebeti.

Amosi 5:10

Munyi mudunyiraa uyu ogodekeraa uvutali vulungi mu vuyaalo kandi muvihiliraa oyo ovola agiligali.

Matayo 21:35

Avalimi yavo vagumira avatumikiri veve ni vaakuya mulala, wundi ni vamwita, wundi ni vamulasa na magina.

Luka 11:51

kutura ku liitwa lia Habili kuduuka ku likuza lia Zakaria wa viitira hagati huvwaali na havundu ahatakatifu. Yee ligali muvooleraa, likula yili lilakanyoole mageri ku vikolwa yivi.

Vahebraina 11:37

valaswa na magina, vakalwa hagati numusumeno, viitwa nikivaavi. Vavodong'ana ni viviiki zinguvu ziamagondi nizie zimburi. Vaali vadaka kandi nivadambizwa, kandi vakolerwa vudamanu ligali.