2 Kyetsinyinga 24:20 - KITABU KITAKATIFU

²⁰ Hene yaho Roho wa Nyasaye yaduuka ku Zakaria muyaayi wa Jehoyada musaalisi. Yasingira havundu ha vandu vosi vaali vanyara kumulora, navoora, “Yahova Nyasaye ateeva, ‘Kigira ki si mwahulira malago geege, na muletaa kivi ku munyi aveene! Mwaleka Yahova na Yahova ya mulekaa.’ ”

2 Kyetsinyinga 24:20 ပူးပေါင်းရင်းမြစ်များ

1 Kyetsinyinga 12:18

Maku Roho gwa Nyasaye yaza ku Amasai, uwaali munene wa vandu Salasini, ma navoora, “O, Daudi mwana wa Jese, kunyi koveeye avoovo! Mirembe, mirembe ku ivi, mirembe give ku yavo avakonyaa ivi! Kigira Nyasaye woovo alakokoonya.” Hene yaho Daudi yavingiriza, navakola avanene mu liihi lilie.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 12:5

Muporofeti Shemaya yazia ku mwami Rehoboamu kandi na viimiliri vi Ivuyuda avaari nivavungi mu Jerusalemi ukwiruka kutura ku Shishaka. Yavavolera, “Yili nilio likuva lia Yahova ku munyi: ‘Munyi mumali kondeka, kunangwa kalunu inzi mali kumuleka mu makono gi zinguru zia Shishaka.’ ”

2 Kyetsinyinga 20:14

Roho wa Yahova yaduuka ku mundu wa Levi mulala uwaali hagati hi livugana. Lieta lilie liali Jahazieli muyaayi wa Zakaria. Yaali kisukururwi cha Asafu kuvitira mu Matania Jaieli na Benaya.

2 Kyetsinyinga 23:11

Maku Jehoyada yaatuliza Joashi ichova, naviika itaji ku mutwi gwigwe, ma naamuha malago galindaa uvwami. Nandio yakolwa umwami. Musaalisi Jehoyada navayayi veve vaavaka Joashi maguta kugwa mwami, na vandu vandi vosi vahaanzuka, “Mwami ahindiri!”

2 Kyetsinyinga 24:24

Kali niiva iliihi lia vandu va Siria vingilira na vasaza vakeekeke, navuzwa Yahova yavakola nivaguuta kiduma kenene chi liihi lia vandu vi Ivayuda, kigira vaali nivaleki Yahova Nyasaye wa vaguuga vaavo. Munzira yiyi, mwami Joashi yahevwa amageri.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

2 Kyetsinyinga 29:8

Kigira yaga, Yahova umali kuvihilirwa avandu vi Ivuyuda na Jerusalemi, na agaamali kuvakolera, gaveeye agu kutihiza ligali ku vuli mundu. Munyi mumanyi vulahi ligali.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 26:2

Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Jeremia 4:18

Vayuda munyi mumali kweletera yaga kolondekana nilimenya liamumali komenya kandi nivindu viamumali kokora. Uvwoni vwinyu vumali kumuletera uvusaaliri yivu; Gamali kusaliliza mioyo jinyu ligali.

Jeremia 5:19

Lwa avandu yava vateva kigira ki ndaakola vindu yivi viosi, uvavoolere ndi, kuli vagirung'ana kutura ku inzi, nivatumikira avanyasaye vandi avageni mukivala chavo aveene, nandio valatumikira avageni mukivala kitaveeye ichaavo.”

Jeremia 5:25

Uvudamanu vwinyu vumali kugirung'anyia vindu yivi viosi, kandi uvwoni vwinyu vumali kwigalira ivindu vilahi viosi kutura ku munyi.

Amosi 5:10

Munyi mudunyiraa uyu ogodekeraa uvutali vulungi mu vuyaalo kandi muvihiliraa oyo ovola agiligali.

Livalidza 14:41

Navuzwa Musa yavoola, “Kigira ki si muvura kutia lilaga lia Yahova? Munyi si mulaguuta mba!

Matayo 23:35

Kulwa yaga, amaduywa goosi galava ku munyi kigira amasahi ga valungi agaatahizwa mu lirova. Yee, kutura ku liitwa lia Habili utaali na mahiolo kuduuka ku liitwa lia Zakaria, umwana wa Berekia, wa mwitira hagati hi Litembeli nu vwali.

Luka 11:51

kutura ku liitwa lia Habili kuduuka ku likuza lia Zakaria wa viitira hagati huvwaali na havundu ahatakatifu. Yee ligali muvooleraa, likula yili lilakanyoole mageri ku vikolwa yivi.

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Vakalagi 6:34

Roho wa Yahova yaza ku Gidioni, ma nakuba ikisiliva kulanga avasaza vi ihiiri ya Abiezeri vamulonde.