2 Kyetsinyinga 23:17 - KITABU KITAKATIFU

¹⁷ Avandu vosi vazia kuduuka ku Litembeli lia Baali ma nivalisambula; vaaduya uvwali vwosi ni Vifananyi viosi kandi niviita Matani musaalisi wa Baali imbiri wu vwali vwosi.

2 Kyetsinyinga 23:17 ပူးပေါင်းရင်းမြစ်များ

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Kyetsinyinga 34:4

Yahaana amalago ku vasaza vanene veve kusambulanyia uvwali ha vandu ha vasigamira Baali, kandi nasambura uvwali vwi vimuli ahimbi navwo. Kandi yaduvulanyia vifananyi viu munyasaye wi kikali Ashera harara ni vifananyi vindi viosi, navugura luguchi lwavio nalusalanyia ku virindwa via vandu vahaana visiuviliru kuvio.

2 Kyetsinyinga 34:7

Mu kivala choosi cha Ivaale wa Isiraeli, yasambula uvwali kandi niyononya vifananyi viu munyasaye Ashera, nashonoranyia vifananyi viosi vigwa luguchi, kandi yavunanya uvwali vwosi vwi vimuli nivigwa vidonye. Lwa yaali ni yakakola yaga goosi, yirana Jerusalemi.

Isaya 2:18

Kandi vifananyi viosi vilakatulizwiho ligali.

Kwidzulitsa 12:3

Saambuli vwali vwavo, mwononyie ligali minaara mitakatifu jaavo ja magina, musaambe vifananyi viavo viu munyasaye wikikali Ashera kandi mutemanyie vifananyi viavo, kunangwa valavuli kuvisigamira kandi.