2 Kyetsinyinga 23:16 - KITABU KITAKATIFU

¹⁶ Musaalisi Jehoyada yalomba lilagana ndi Oyo, avandu, kandi umwami, valava avasuuvirifu ku Yahova Nyasaye.

2 Kyetsinyinga 23:16 ပူးပေါင်းရင်းမြစ်များ

2 Avami 11:17

Jehoyada musaalisi yalomba mwami Joashi harara na vandu va Isiraeli ukwingira mu lilagana hagati haavo na Yahova ndi valava avandu va Yahova. Yalomba lilagana hagati hu mwami na vandu.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

2 Kyetsinyinga 15:14

Vosi visuuha ku lieta lia Yahova nu mwoyo munene ndi, valalinda Lilagana lia Yahova, Nyasaye wa Isiraeli. Vosi vakuba uluku na mang'alala ni visiriva.

2 Kyetsinyinga 15:15

Avandu vi Ivuyuda vosi vasangala kigira vaali nivalombi lilagana liukwisuha ku Yahova Nyasaye wa Isiraeli mu mioyo jaavo josi. Vaavugura liiva liu kusigamira Yahova, na Yahova yavavugilira kandi navaha mirembe ku zimbega ziosi.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Isaya 44:5

“Mundu mulala sa mulala alavoora, ‘Inzi mbeeye wa Yahova.’ Valaza nukuhambana na vandu va Isiraeli. Vuli mulala alang'oda lieta lia Yahova ku mukono gwigwe, kandi aliigulika umwene kuva mulala ku vandu va Nyasaye.”