2 Kyetsinyinga 23:13 - KITABU KITAKATIFU

¹³ Hene yaho yalora mwami muhia ha vwingiliru vwi Litembeli, nasingiyi ha itiiru yaalomberwa avami, kandi nakumbiriziywi na vanene vi liihi harara na vakubi vi visiriva. Avandu vosi vaali nivahanzuka nuvusangali vonene ligali kandi nivakubaa visiriva na vimbi vumu litembeli niviju viavo viu kwimba nivimiriyi zinyimbu zielizominya. Yatandula zinguvu zizie mu linyang'ana nilivihilirwa kandi nahanzuka, “Uvwibaali! Uvwibaali!”

2 Kyetsinyinga 23:13 ပူးပေါင်းရင်းမြစ်များ

2 Avami 11:14

Mwene yimwo, yalora mwami muhia nasingiyi ahimbi ni itiru ha vwingiliru he Litembeli kuli gwaali umwima. Yakumbirizwa na vanene va vasikari kandi na vakubi vi visiliva, na avandu vosi vaali ni vahanzuka nu vusangali kandi ni vakuba visiliva. Hene yaho Azalia yatandula zinguvu zizie mu vovereri, nahanzuka; “Gaveeye vwibaali, uvwibaali!”

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

2 Avami 9:13

Nonoho, avanene vache vaala zinguvu zindambi ziu kwigulu ziavo ku vika, Jehu aduuki kusingira ku, ni vakuba visiliva kandi nivahanzuka, “Jehu aveeye mwami!”

2 Avami 9:23

Maku Joramu yagirung'ana niyiruka navolera Ahazia, “Gaveeye vwibaali, Ahazia! Gaveeye vwibaali.”

1 Kyetsinyinga 12:40

Kali avatende vaavo, kali avaari Ivaale ihale kuli Isakari, Zabuloni na Nafutali vaza ni vagingi viukulia ku zibunda, zing'amia, zisukiri ni zilaho. Ziaginga viukulia zing'ano zinyingi: Vusie, zimango zia makuyu, visakanyi vie mizabibu miumu, iwaini na amaguta. Valeta kandi mitugu je zing'ombe na magondi ni vita ni valia, kigira vwali uvusangari mu kivala cha avandu va Isiraeli.

1 Kyetsinyinga 15:24

Vasaalisi Shebania na Joshafati, Nezaneli, Amasai Zakaria, Benaya kandi Elieza, vatovolwa vaduuki kukuba visiliva imbiri wi Lisandugu Lie lilagana lia Nyasaye. Obedi Edomu na Jehia navo kandi vaali avalindi vi kirivwa vi Lisandugu.

1 Kyetsinyinga 15:27

Daudi yaali niyiviiki iganza yalombwa kutura ku ikatani indahi ligali, ma kandi avimbi vivika kuli ndio, Kenania, mwimiliri wavo, kandi harara ni hiiri ya Levi vaginga Lisandugu Lie lilagana. Daudi kandi yiviika kisibaho Chi katani.

2 Kyetsinyinga 23:12

Lwa Azalia yahulira muliviti gwi liyoga lia vandu vanyagulaa nivizominya mwami, yazia vwangu vwangu kuvo ha Litembeli lia Yahova aha avandu vaali nivavungi.

2 Kyetsinyinga 23:14

Jehoyada siyenya Azalia yiitirwi imbiri wi Litembeli mba, kunangwa yalanga avanene vi liihi na vavoolera, “Mu mutulizi hagati hi zimbaso zia vasikari vi liihi, na mwiti mundu woosi ogeriza kumusoola.”

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

Zaburi 14:5

Navuzwa valatiihizwa; kigira Nyasaye aveeye harara na yavo avamutizaa.

Tsing'ano 11:10

Lidaala linene liveeye nu vusangali lwa vandu vaveeye vasuuvirifu vanyoola ingavi. Navuzwa lwumundu muchamu akuzaa, koveeye nisango yovuyaanzi.

Tsing'ano 29:2

Lwu mundu mulungi yamiha avandu vasangala, navuzwa lwu mundu muchamu yamiha avandu vakenya.

Kohelethu 9:12

Siulamanya lwi ing'inga yooyo yiza mba. Kuli linyonyi ligimilwa mu mutego, kuli isuzi igimilwa mu muluvo, kwamala kugumirwa mu mutego ing'inga indamanu ya kutaganaganaa.

Ezekieli 46:2

Mwamihi wamihaa nazie kutura mu mugizi gwi ichova kuduuka mu vwingiliru vwe keng'oze kuvitira mu kilivwa kandi nasingili ha misaala ji kirivwa lwa avasaalisi vasamba visiuviliru viavo kandi kuhaana isadaka yeeye yi mirembe. Ha kirivwa yaho kuduuka yasigamiri ma azie ichova kandi. Kirivwa kitahanwa mba kuduuka hamugorova.

Vakalagi 7:8

Kunangwa Gidioni yavolera vandu va Isiraeli vosi viirane yengo nitali vandu miatatu avagingaa ivindu viuvulwani ni visiriva. Hokososa ha vandu va Midiani haali mulivoona indangu wa hokososa wa vandu va Isiraeli.