2 Kyetsinyinga 23:11 - KITABU KITAKATIFU

¹¹ Maku Jehoyada yaatuliza Joashi ichova, naviika itaji ku mutwi gwigwe, ma naamuha malago galindaa uvwami. Nandio yakolwa umwami. Musaalisi Jehoyada navayayi veve vaavaka Joashi maguta kugwa mwami, na vandu vandi vosi vahaanzuka, “Mwami ahindiri!”

2 Kyetsinyinga 23:11 ပူးပေါင်းရင်းမြစ်များ

2 Samweli 1:10

Kunangwa ndaazia kuye nimwiita, kigira ndamanya alakuza lwayagwa hasi. Maku ndaavugura itaji yikivia iyaali ku mutwi gwigwe, nikisambo chaali ku mukono, maku mali kuvileeta imbiri woovo, mwami wange.”

2 Samweli 16:16

Lwa Hushai, mulina musuuvirifu wa Daudi yagana na Abisolomu, yahanzuka, “Mwami ahindiri! Mwami ahindiri!”

2 Samweli 5:3

Kunangwa aviimiliri vosi va Isiraeli vaza ku mwami Daudi ha Heburoni. Yalomba lilagana litakatifu navo imbiri wa Yahova, kandi vaamuvaka amaguta, nivamukora Mwami wa Isiraeli.

1 Avami 1:25

Lidiku liene linu, uziiyi kuhaana kisiuviriru chi zigiriki zinyingi, nivimoli vinetu kandi amagondi manyingi. Yaali kogenihiza avayaayi vu mwami vosi Joabu munene wi liihi na Abiazari musaalisi. Kulwa kalunu valiza nivanwa harara naye nivavoora, ‘Ahindiri mwami Adonija!’

1 Avami 1:34

aha gaduukanaa Zadoku na Nazani vamuvakiri maguta kuli mwami wa Isiraeli. Ahene yaho, mulakuba kisiriva na muhanzuki, ‘Ahindiri mwami Solomoni!’

1 Avami 1:39

Zadoku yavugula lwiga lwa maguta ga Muzeituni ga yaali naleti kutura mu Lihema liukuvuganira mu na Yahova kandi navaka Solomoni. Vaakuba visiliva, kandi vandu vosi vahanzuka, “Ahindiri mwami Solomoni!”

2 Avami 11:12

Hene yaho, Jehoyada yaleeta Joashi ichova, ma naviika itaji ku mutwi gwigwe, kandi naamuha malago gamiihaa uvwami. Maku Joashi yavakwa maguta kandi nalandizwa kuva mwami wi Ivuyuda; na vakuba makono gaavo ni vavoola, “Mwami ahindiri!”

2 Kyetsinyinga 22:11

Ahazia yaali na mbozo weve Jehosheba, uwaali niyaazia lukali ku musaalisi Jehoyada. Yahonyia mu vuvisi Joashi mulala ku vayaayi va Ahazia naamuhira ihale kutura ku vana vumwami vosi avaari himbi kwitwa. Yamuvisa harara numuleri kandi naamulelera mu keng'oze kilala chi Litembeli. Ku limuvisa, Jehosheba yamuhonyia kutura ku liitwa na Azalia.

2 Kyetsinyinga 23:10

Yavika avasaza vaari nivetegeki niviugi viavo viu vulwani, kukinga mwami.

2 Kyetsinyinga 23:12

Lwa Azalia yahulira muliviti gwi liyoga lia vandu vanyagulaa nivizominya mwami, yazia vwangu vwangu kuvo ha Litembeli lia Yahova aha avandu vaali nivavungi.

Zaburi 132:18

Ndakunika avasigu veve nizisoni zinene ligali, navuzwa uvwami vwivwe vulamedeka kandi vulagasizwa ligali.”

Zaburi 21:3

Ivi waza kuye nuvugasu vonene ligali kandi nuviika itaji yi zahabu indahi ku mutwi gwigwe.

Zaburi 78:5

Yahaana malago ku vandu va Isiraeli kandi Lilaga ku visukululwi via Yakobo. Yalaga avaguuga viitu vigizi avana vaavo amalago geege;

Zaburi 89:20

Inzi mali kokora mutumikiri wange Daudi kuva mwami, mali kumuvaka amaguta matakatifu.

Zaburi 89:39

Umali kuvunaga lilagana liilio lia walomba nu mutumikiri woovo, kandi umali kusiuva itaji yeeye mu luguchi.

Kutwula 25:16

Maku ulavika amagina gaviri ga malago gandikuha mulisandugu.

Kutwula 25:21

Ulavika vidonye viviri viamagina gamalago musi mwilisandugu ma ulikuniki.

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 8:16

Munyi, aviigi vange geenya mulindi kandi kuviki amakuva ga Nyasaye amali kumba.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 19:12

Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

Likunula 4:10

Avakulundu sirini na ine yavo avagwizaa mamumama imbiri wa uyu wikala kondeve yu uvwami, kandi vasigamira uyu oveeye mwoyo mihiga ni mihiga. Vaviika izitaji ziavo hasi imbiri wendeve yu uvwami, ni vavoola,

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Likunula 5:10

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 10:24

Samweli yavolera vandu yavo, “Uyu niyie musaza wa Yahova atovooye! Sihaveeye ho nu wundi hagati hiitu oveeye kuli uyu mba.” Avandu vosi vahaanzuka nu mwoyo munene nivavoora, “Mwami ahindiri!”