2 Kyetsinyinga 22:9 - KITABU KITAKATIFU

⁹ Jehu yenyeleriza Ahazia mbitilira, na vandu veve vagumira Ahazia lwa yaali niyivisi mu Samaria. Vamuleeta ku Jehu ma naamwita. Vaamuta vuzwa kigira vavoola, “Yaali mwisukulu wa Jehoshafati, uwahulira Yahova nu mwoyo gwigwe gwosi.” Kunangwa sihali ho nu mulala munyumba ya Ahazia uwaali nizinguru kuzizagiliriza uvwami mba.

2 Kyetsinyinga 22:9 ပူးပေါင်းရင်းမြစ်များ

1 Avami 13:21

Yahanzukira muporofeti kutura Ivuyuda navoora, “Yahova avoora ndi ivi uvuli kumuhulira na siokoli sia akulagi mba.

1 Avami 14:13

Avandu vosi va Isiraeli valamusiomera nukumuyavira. Alava niyie yeng'ine wi nyumba ya Jeroboamu waza ayavilwi vulahi, kigira oyo niyie yeng'ine wa Yahova Nyasaye wa Isiraeli, ayanziziywi naye.

2 Avami 9:34

Jehu yingira munyumba yu vwami nalia chukulia kandi naanwa. Yavoola, “Vuguli mukali walaamwa oyo na mumute; kali ndio, aveeye mukaana wu mwami.”

2 Kyetsinyinga 19:3

Navuzwa kali nindio, gaveeye ho amalahi malala mu ivi. Watuliza ho ivifananyi viosi viu munyasaye wi kikali - Ashera, ma kandi umali kogeriza kolonda vulaliri vwa Nyasaye.”

2 Kyetsinyinga 21:17

Vingilira Avayuda ma, na nivavugura imiandu jaavo josi ja vaganagana jali je inyumba yu vwami, kandi nivavugura avakali vu mwami na vana veve avayaayi, na si yaali ho kali muyaayi mulala watigala, nitali Ahazia muyaayi weve mukogoti.

2 Kyetsinyinga 21:20

Mwami Jehoramu yaali ni mihiga 32 lwa yaatanga kwamiiha kuli mwami. Yamiha mu Jerusalemi ku mihiga 8. Si yaali ho mundu kali mulala uwaali ni liverera lwa yakuza. Vaamuta mu lidaala linene lia Daudi, navuzwa si vaamuta mu vilindwa viu vwami mba.

2 Kyetsinyinga 21:4

Lwa Jehoramu yaali ni yakasingira vudinyu mu vwami vwa baba weve yamanya ni, yita avamwavo veve vosi kandi valala ku vanene va Isiraeli.

2 Kyetsinyinga 22:8

Lwa Jehu yaali naadukizaa lilago lia Nyasaye ku vwami vwa vinyumba ya Ahabu, yanyoora avanene vi Ivuyuda kandi avayaayi va vamwavo Ahazia avaari nivamuheleki, na yaviita vosi.

2 Kyetsinyinga 24:25

Lwi liihi lia vandu va Siria vaatura kuzia, valeka mwami Joashi natumitiywi ligali, navuzwa avanene veve 2 vamwikiruka ni vamwitira mu kidali chiche, kuvaanza kisaalia kigira liitwa lia Zakaria mwana muyaayi wa Jehoyada musaalisi. Yateevwa mu lidaala linene lia Daudi, navuzwa si yateevwa mu virindwa viu vwami mba.

2 Kyetsinyinga 25:27

Kutura ing'inga yeyo, lwa Amazia yagirung'ana naleka Yahova, avasigu veve vamwikiruka nivenya kumwiita mu Jerusalemi. Hene yaho, yiruka nazia mu lidaala linene lia Lakishi, navuzwa avasigu veve vamulonda ni vamwitira yo.

2 Kyetsinyinga 33:24

Avanene va Amoni vamwikiruka ma nivamwitira munyumba yeeye yu vwami.

Jeremia 29:13

Munyi mulanyenyeriza na mulanyola, kigira mulanyenyeriza ni mioyo jinyu josi.