2 Kyetsinyinga 21:7 - KITABU KITAKATIFU

⁷ navuzwa Yahova siyenya kudiviza uvwami vwi inyumba ya Daudi, kigira yaali niyalomba lilagana na Daudi, kandi namusuuviriza ndi visukululwi veve valazizagilira kwamiiha mihiga ni mihiga.

2 Kyetsinyinga 21:7 ပူးပေါင်းရင်းမြစ်များ

2 Samweli 21:17

Navuzwa Abishai muyaayi wa Zeruya yaza kokoonya Daudi, niyingilira ugundu yigwo, kandi naagwita. Ahene yaho avasaza vi liihi va Daudi vaamwisuhira, nivavoora, “Siulazia kandi mu vulwani harara ni kunyi mba,” gase itaya ya Isiraeli ilasima.

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

1 Avami 11:13

Nitali sindavusalanyia vwosi kutura kuyemba, navuzwa ndamuha hiiri ndala vuzwa kigira Daudi mutumikiri wange; kandi kigira lidaala linene Jerusalemi, lia mali kotovola live liange.”

1 Avami 11:36

navuzwa ndaleka muyaayi wa Solomoni, na alindi. Ihiiri ndala, kunangwa ndava kazozo ni kisukururwi chu mutumikiri wange Daudi niyamiha mu Jerusalemi, lidaala lia inzi mali kotovola kuli havundu ha sigamirwa.

1 Avami 15:4

Navuzwa kigira Daudi, Yahova Nyasaye weve yaaha Abija muyaayi kwamiiha inyima weve mu Jerusalemi kwumbaka kandi kolomba Jerusalemi kuva lidaala liezingulu.

2 Avami 8:19

Navuzwa Yahova siyavugilira kudiviza Ivuyuda mba, kigira yaali ni yasuuviriza mutumikiri weve Daudi ndi visukululwi veve valazizagilira kwamiiha mihiga ni mihiga.

2 Avami 8:24

Jehoramu yakuza kandi yayavirwa mu vilindwa viu vwami mu lidaala linene lia Daudi, na muyaayi weve Ahazia yavugula ovogono vwivwe kuli mwami.

2 Kyetsinyinga 22:11

Ahazia yaali na mbozo weve Jehosheba, uwaali niyaazia lukali ku musaalisi Jehoyada. Yahonyia mu vuvisi Joashi mulala ku vayaayi va Ahazia naamuhira ihale kutura ku vana vumwami vosi avaari himbi kwitwa. Yamuvisa harara numuleri kandi naamulelera mu keng'oze kilala chi Litembeli. Ku limuvisa, Jehosheba yamuhonyia kutura ku liitwa na Azalia.

2 Kyetsinyinga 23:3

Vosi vavugana harara mu Litembeli, na umwene yimwo valomba lilagana na Joashi, muyaayi wu mwami. Jehoyada yavavolera, “Muyaayi mutiga mwami aveeye hano. Kalunu alava mwami kuli Yahova yasuuviriza ndi visukululwi vu mwami Daudi valava.

2 Kyetsinyinga 6:16

Kalunu O, Yahova, Nyasaye wa Isiraeli, udukiza malagano gandi ga walomba ku Daudi baba wange aga wa musuuviriza ndi, halavaho na mulala ku visukululwi veve uliamiiha kuli mwami munene wa Isiraeli, niiva valahulira ivi nokogenda mu malago gange kuli ivi wagenda imbiri wange.”

Zaburi 132:11

Ivi walomba lilagana lie liesuuha ku Daudi, lisuuviriza lia utanyala kugirung'anyia kandi mba: “Ndakora mulala ku vayaayi vovo kuva mwami, na alamiiha inyima woovo.

Zaburi 89:39

Umali kuvunaga lilagana liilio lia walomba nu mutumikiri woovo, kandi umali kusiuva itaji yeeye mu luguchi.

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”