2 Kyetsinyinga 20:8 - KITABU KITAKATIFU

⁸ Vamenya mu kivala yiki, ma nikwumbakira Litembeli kuhaana luyali ku ivi, vavoola,

2 Kyetsinyinga 20:8 ပူးပေါင်းရင်းမြစ်များ

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 20:7

Ivi oveeye Nyasaye wiitu. Lwa vandu vovo Isiraeli vaduuka mu kivala yiki, waakunga avandu vamenya mucho, ma nukihaana ku visukululwi via Aburahamu, mulina woovo, komenya mu mihiga ni mihiga.

2 Kyetsinyinga 20:9

‘Niiva ikivi choosi kiladuuka ku kunyi nu kuhaana amageri; vulwani, vulwaye vudamanu anoho inzara, hene yaho, kulaaza kusingira imbiri wi Litembeli yili ha ivi usigamirangwa. Kulasaala ku Ivi mu vudinyu vwitu, na ivi ulakuhulira nu kokohonya.’

2 Kyetsinyinga 6:10

“Kalunu Yahova umali kuduukiza Lisuuviriza lilie. Inzi mali kuvugura vogono vwa baba wange kuli mwami wa vandu va Isiraeli, kandi mali kwumbaka Litembeli kigira lisigamira lia Yahova Nyasaye wa Isiraeli.

2 Kyetsinyinga 6:5

‘Kutura ing'inga ya ndatuliza avandu vange mu kivala cha Egebeti kuduuka kalunu, sindatovora lidaala liosi linene mu kivala cha vandu va Isiraeli kuli havundu hu kwumbaka Litembeli ahanyala kusigamirwa mba, kandi sindatovora mundu woosi kwamiiha avandu vange Isiraeli.

2 Kyetsinyinga 6:6

Navuzwa kalunu mali kotovola Jerusalemi kuva havundu hu kusigamira, na ivi Daudi, ulamiha avandu vange.’ ”

Joshua 21:43

Kunangwa Yahova yahaana ku vandu va Isiraeli kivala choosi cha yaali niyasuuviriza avaguuga vaavo ku chisuuhu ndi alavaha. Lwa vaali nivakavugula kivala yicho vamenya mu.