2 Kyetsinyinga 20:7 - KITABU KITAKATIFU

⁷ Ivi oveeye Nyasaye wiitu. Lwa vandu vovo Isiraeli vaduuka mu kivala yiki, waakunga avandu vamenya mucho, ma nukihaana ku visukululwi via Aburahamu, mulina woovo, komenya mu mihiga ni mihiga.

2 Kyetsinyinga 20:7 ပူးပေါင်းရင်းမြစ်များ

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 20:8

Vamenya mu kivala yiki, ma nikwumbakira Litembeli kuhaana luyali ku ivi, vavoola,

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 44:2

Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 80:8

Ivi waleeta avandu vovo avaveeye kuli muzabibu kutura Egebeti; wakunga zihiiri zindi ziosi ziamenya mu kivala cha Kanaani. Kandi waleka avandu vovo ni vavugura kivala yiki.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 33:2

Ndatuma engelosi kumwimilira, kandi ndakunga vandu va Kanaani, Amori, Hiti, Perizi, Hivi, na Jebusi.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Isaya 41:8

“Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Yohana 11:11

Lwa Yeso yamala kovora yaga, yavavolera, “Mulina wiitu Lazaro agoni, navuzwa inzi ndaazia kumuvuukiza.”

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Kwidzulitsa 4:38

Lwa mwisuunda imbiri, yakunga zihiiri zinene kandi zie zinguru ligali kuvita munyi kunangwa aduuki kumwingiriza nukumuha kivala chavo, miandu jinyu, kivala ikeveeye chienyu kuduuka kalunu.

Yakobo 2:23

Mang'oda Matakatifu gaduukizwa agavoora ndi, “Aburahamu yasuuvira Nyasaye, kandi kigira lisuuvira, Nyasaye yamuvugilira kuva umulungi.” Kandi ya langwa umulina wa Nyasaye.

Joshua 1:6

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Joshua 23:9

Yahova umali kukunga zihiiri zinene kandi zie zinguru, kutura imbiri winyu na sihaveeye ho numundu ku vasigu vinyu uwasingira kulwaana munyi mba.

Joshua 24:13

Ni inzi uwahaana ku munyi kivala chavo kandi amadara gaavo. Simwataaga vitagwa ku viosi kandi simwumbaka madaala manene gacho mba. Kalunu mumenyi mukivala yiki cha ndamuha. Mulizaa makuyu gi mazabibu kandi Mizeituni ja mwavura kusimika.’ ”

Joshua 24:3

Ahene yaho, ndavugura Aburahamu, guuga winyu, kutura mu kivala engereka wa Efurate nimwimilira kuvitira mu kivala choosi cha Kanaani. Ndamuha muyaayi weve Isaka, kandi kuvitira mu Isaka, ndamuha visukululwi vinyingi.