2 Kyetsinyinga 20:22 - KITABU KITAKATIFU

²² Lwa vatanga kwimba nu kwizominya Yahova, Yahova yingilira avasaza vi liihi lia Amoni, Moabu kandi vi kiguru cha Edomu avaari nivaazi kulwaana Ivuyuda, na vaguutwa.

2 Kyetsinyinga 20:22 ပူးပေါင်းရင်းမြစ်များ

2 Samweli 22:4

Nzanira Yahova, udukana kwizominywa, kandi mbonyia kutura ku vasigu vange.

2 Avami 6:17

Hene yaho Elisha yasaala, “O, Yahova, yigula zimoni ziu muyaayi uyu na oleke alole!” Yahova yativura lisaala lilie, kandi mutumikiri wa Elisha yahenza igulu, nalora vigulu ni vizuyi zibarasi na magare gu vulwani gu muliru goosi nigakumbirizi Elisha.

2 Kyetsinyinga 13:13

Navuzwa lwa Abija yaali namolomaa, Jeroboamu yatuma valala ku vasikari vi liihi veve koseeta liihi lia Avayuda kutura inyima, lwi liihi lindi liosi liavingiliria kutura imbiri.

2 Kyetsinyinga 13:15

Avandu vi Ivuyuda vaakuba ulukwiri lwu vulwani vudinyu, na nivimiliywi nu mwami Abija, vaatulira Avaisiraeli. Nyasaye yaguuta Jeroboamu harara ni liihi linene lia Avaisiraeli.

2 Kyetsinyinga 20:10

“Na kalunu, avandu va Amoni, Moabu na Edomu vamali kukwingilira. Lwa vaguuga viitu vaza kutura mu Egebeti, si wavavugilira kwingira muvivala yivio, na ndio, avaguuga viitu vavavodong'ana zimbega ziosi na sivavadiviza mba.

2 Kyetsinyinga 21:8

Mu ing'inga yu vwamihi vwa Jehoramu, avandu va Edomu vibaara ku vandu vi Ivuyuda ma nivatovola mwami wavo aveene.

2 Kyetsinyinga 5:13

Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

Zaburi 18:4

Uvuhimwa vwi likuza vwangumberiza, viguvuli vinene vie lidiviza viaminira hasi.

Isaya 19:2

Yahova avoora, “Ndaleta uvulwani mu kivala cha Egebeti, na vuli mundu alalwana na amwavo weve, kandi mutende alalwana nu mutende weve, madaala manene gahimanaa galalwaana na madaala manene gandi, kandi vami vahimana valalwaana na vami vandi.

Ezekieli 38:21

Nangore Goga kuva nuvuti kandi kivi choosi. Inzi Yahova Wuvunyali mali kovora, avandu veve valakitane aveene ku aveene.

Joshua 6:16

Ku ing'inga ya saba, lwa vasaalisi vaali ahimbi kukuba visiriva, Joshua yalaga avandu vasaza veve vosi vahanzuki, kandi yavoola, “Yahova umali kuha munyi lidaala linene yili.”

Vakalagi 7:22

Lwa vandu va Gidioni vaali nivakikuba ivisiriva, Yahova yakola vasigu vosi avaari mu hokososa nivatanga kulwaana aveene na vene ni vivavi viavo. Viiruka kuzia kolovega lwa Zarezani kuduuka Bezishita, kali kuduuka mu lidaala lia Abeli-mehola ahimbi Tabazi.

1 Samweli 14:16

Avasaza va Saolo yavika ku vulindi mu kivala cha Benjamini valora vandu va Filisitia nivanyagura yiyi na yiyi mu lidandana.

1 Samweli 14:20

Maku Saolo harara na vasaza vi liihi vosi avaari naye vaatura kuzia kulwaana na va Filisitia, avaari nivakubanaa aveene na vene mu ligoyana.