Mu ing'inga yu mwami Hezekia wi Ivuyuda, avandu vataliywi yavo, vazia Gedori ni vonogonyia amahema ga Avameuni avaari ni vamenyi yo ma vadivizwa ligali kali kuduuka lidiku lia lero. Maku vadikala yo no komenya mu vogono vwavo kigira haali ho nu vwayiru uvulahi ligali ku magondi gaavo.
Mwami Asa yaali ni liihi lia avasaza 300,000 kutura Ivuyuda, vaali niviyavaye zinguva na matimu, ma kandi vasaza 280,000 kutura mu kivala cha Benjamini niviyavaye zinguva nu vuta. Vosi vaali avasaza vo vogeri, avizingulu kandi avasuuvirifu.
Amaria musaalisi munene alava nilikalaga liu kumaliriza mu viina viosi vie idini na Zebadia muyaayi wa Ishimaeli mwamihi wi Ivuyuda, alava ni likalaga liu kumaliriza mu viina viosi kolondekana na malago gi kivala. Muve avaluviriri na mulonde malago yaga. Yahova alava harara na valungi veve!”
Lwu mwami Ahazi, muyaayi wa Jozamu na umwisukulu wa Uzia, yaali niyamiha Ivuyuda, uvulwani vwatanga. Rezini, mwami wa Siria, na Peka muyaayi wa Remalia mwami wa Isiraeli, vingilira lidaala linene lia Jerusalemi, navuzwa sivanyala kuligumira mba.
Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?