2 Kyetsinyinga 2:5 - KITABU KITAKATIFU

⁵ Saaviraa kwumbaka Litembeli linene ligali, Kigira Nyasaye wiitu aveeye munene ligali kuvita munyasaye wundi woosi.

2 Kyetsinyinga 2:5 ပူးပေါင်းရင်းမြစ်များ

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

1 Kyetsinyinga 16:25

Yahova aveeye munene, kandi yizominywe ligali. Ahevwe luyali ligali kuvita avanyasaye vandi vosi.

1 Kyetsinyinga 29:1

Mwami Daudi yalandizira livugana liosi: “Muyaayi wange Solomoni niye wa Nyasaye amali kotovola, navuzwa akikiri musoleri kandi vugira limanya. Miyinzi jenyekanga kokolwa ni minene, kigira yiyi si eveeye inyumba yu mwami wa avandu, navuzwa Litembeli lia Yahova Nyasaye.

1 Kyetsinyinga 29:14

“Navuzwa inzi mbeeye vwaha, na avandu vange vaveeye ki, kuduuki kuva avanyala kwihana aveene nu mwoyo gwu vulaliri vwosi kuli yivu? Kigira ivindu viosi vituraa ku ivi, na kukuheezaa iviveeye vivio.

2 Kyetsinyinga 2:9

mu lietegekiza zimbaho zinyingi kigira Litembeli lia nyenya kwumbaka liveeye linene ligali kandi liokogenyia.

2 Kyetsinyinga 29:11

Avayaayi vange, mutagotiza ing'inga mba; kigira Yahova umali kumutovola kusingira imbiri weve, muve avatumikiri veve, muduuki kumutumikira, nu kusamba vimuli imbiri weve.”

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 135:5

Inzi manya ligali ndi Yahova wiitu aveeye munene, aveeye munene ligali kuvita avanyasaye vosi.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 148:4

Mumwizominye munyi ligulu liveeye igulu ligali kuvita, kandi munyi amazi agaveeye igulu wi ligulu.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Ezekieli 7:20

Maziambiri velola kigira magina gaavo guvuguli, navuzwa vaagatumikila kolomba vifananyi viukuvihiliriza. Kulwayago inzi ndavikola kuva ivindu kitaveeye vinifu kuvo.