2 Kyetsinyinga 2:4 - KITABU KITAKATIFU

⁴ Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 2:4 ပူးပေါင်းရင်းမြစ်များ

1 Avami 5:5

Yahova yasuuviriza baba wange Daudi ndi, ‘Muyaayi woovo, wa ndikola mwami inyima woovo, alakanyumbakiri Litembeli!’ Kunangwa mali (koto-vola) kwumbako Litembeli yilio liu kusiganiraumu Yahova Nyasaye wange

1 Avami 8:18

navuzwa Yahova yamuvolera, ‘Ivi oveeye vulungi mu lienya kunyumbakira Litembeli,

1 Avami 8:63

Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

1 Kyetsinyinga 22:5

Daudi yevolera; “Muyaayi wange Solomoni aveeye mwana musoleri kandi vugira limanya; na Litembeli liumbakirwa Yahova kuduuka live linene kandi lilahi, na liu kwizominywa kandi liu vukumi mu zimoni zie zihiiri ziosi. Kunangwa ndalomba lietegekiza lia lio liosi.” Kunangwa Daudi yalomba vindu vinyingi mu lietegekiza uvwumbaki nakikiri kukuza.

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

2 Kyetsinyinga 2:1

Mwami Solomoni yasavira ukwumbakira Yahova Litembeli havundu hu kumusigamira, ma kandi kwiyumbakira inyumba yeye yu vwami.

Nehemia 10:33

Kulahaana ivindu yivi kigira lisigamira lie Litembeli: Mugadi mutakatifu, kihanwa chu vuswage cha vuli lidiku, izinyama zienyekaa zisambwe kuli visiuviliru vuli lidiku, vihaanwa vitakatifu kigira Lisabato masavo gu mweli muhia, kandi namasavo gandi, vihaanwa vitakatifu vindi, vihaanwa viukukunika uvwoni vwa Isiraeli, kandi nikindu kindi choosi ichenyekaa kigira uvutumiki vwi Litembeli.

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 96:4

Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

Kutwula 25:30

Uviiki mugadi mutakatifu komesa na ugiviki imbiri wilisandugu lie lilagana, na komesa yiku koveku kazozo nu mugadi mutakatifu guhaaniywi ku inzi.

Kutwula 30:7

Vuli mugamba lwa Haruni yaza kwetegekiza zitaya, kuduuka asambili ku kimuli kifunyaa mwayu mulahi.

Tsing'ano 7:20

Yavugula mabese manyingi ligali kandi si alilana vwangu mba kuduuka lwa masiza gaviri gaavita.”