2 Kyetsinyinga 19:3 - KITABU KITAKATIFU

³ Navuzwa kali nindio, gaveeye ho amalahi malala mu ivi. Watuliza ho ivifananyi viosi viu munyasaye wi kikali - Ashera, ma kandi umali kogeriza kolonda vulaliri vwa Nyasaye.”

2 Kyetsinyinga 19:3 ပူးပေါင်းရင်းမြစ်များ

1 Avami 14:13

Avandu vosi va Isiraeli valamusiomera nukumuyavira. Alava niyie yeng'ine wi nyumba ya Jeroboamu waza ayavilwi vulahi, kigira oyo niyie yeng'ine wa Yahova Nyasaye wa Isiraeli, ayanziziywi naye.

2 Kyetsinyinga 11:16

Avandu kutura mu zihiiri ziosi zia Isiraeli, avenya kusigamira Yahova, Nyasaye wa Isiraeli, valondelera vandu va Levi kuduuka Jerusalemi, kunangwa vave avanyala kuhaana visiuviliru viavo ku Yahova, Nyasaye wa vaguuga vaavo.

2 Kyetsinyinga 12:12

Na kigira yegehiza ku Yahova, uvutima vwa Yahova si vwamudiviza ligali mba, na kali ndio, ivindu ni liiva liazizagilira vulahi mu Ivuyuda.

2 Kyetsinyinga 12:14

Yakola agaali madamanu imbiri wa Yahova, kigira si yageriza kwenyeleriza uvulariri vwa Yahova mba.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

2 Kyetsinyinga 15:15

Avandu vi Ivuyuda vosi vasangala kigira vaali nivalombi lilagana liukwisuha ku Yahova Nyasaye wa Isiraeli mu mioyo jaavo josi. Vaavugura liiva liu kusigamira Yahova, na Yahova yavavugilira kandi navaha mirembe ku zimbega ziosi.

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

2 Kyetsinyinga 20:33

navuzwa havundu hu kusigamira misambwa sihononywa mba. Avandu si vagirung'ana kusigamira Nyasaye wa vaguuga vaavo ni mioyo jaavo josi.

2 Kyetsinyinga 22:9

Jehu yenyeleriza Ahazia mbitilira, na vandu veve vagumira Ahazia lwa yaali niyivisi mu Samaria. Vamuleeta ku Jehu ma naamwita. Vaamuta vuzwa kigira vavoola, “Yaali mwisukulu wa Jehoshafati, uwahulira Yahova nu mwoyo gwigwe gwosi.” Kunangwa sihali ho nu mulala munyumba ya Ahazia uwaali nizinguru kuzizagiliriza uvwami mba.

2 Kyetsinyinga 27:6

Jozamu yagwa wizingulu ligali kigira yahulira Yahova Nyasaye weve nu vusuuvirifu vwosi.

2 Kyetsinyinga 30:19

“O, Yahova, Nyasaye wa vaguuga viitu, mu vulahi vuvwo yaanza usamihi yavo avasigamiraa ivi ni mioyo jaavo josi kali niiva si vaveeye avatakase kolondekana na malago ga hatakatifu.”

Ezara 7:10

Ezara yihaana kosooma nokohenzeriza mu mang'oda gi lilaga lia Yahova, kugaviika mu vikolwa, kandi kwigiza malago galio goosi ku vandu va Isiraeli.

Zaburi 57:7

O, Nyasaye, mwoyo gwange gwituuliyi, mwoyo gwange gwituuliyi ndimba nu kwizominya ivi kazozo!

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”