2 Kyetsinyinga 19:2 - KITABU KITAKATIFU

² Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

2 Kyetsinyinga 19:2 ပူးပေါင်းရင်းမြစ်များ

1 Avami 16:1

Yahova yamoloma ku muporofeti Jehu muyaayi wa Hanani kandi naamuha makuva ku Baasha:

1 Avami 16:12

Kunangwa Zimuri yadiviza vandu avinyumba ya Baasha yoosi, kolondekana ni likuva lia Yahova yamoloma ku Baasha kuvitira mu muporofeti Jehu.

1 Avami 16:7

Likuva yilio kutura ku Yahova ku Baasha harara na vandu vinyumba yeeye liahaanwa kuvitira ku muporofeti Jehu kigira vwoni vwa Baasha yaakolera Yahova. Yavuukiza vutima vwa Yahova sigali kigira vudamanu vwa yakola, vweng'ine kuli mwami Jeroboamu yakola imbiri weve, navuzwa kandi kigira yita vandu vinyumba ya Rehoboamu, vosi

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

1 Avami 22:44

Jehoshafati yalomba mirembe numwami wa Isiraeli.

2 Kyetsinyinga 16:7

Ing'inga yene yeyo, muporofeti Hanani yazia ku mwami Asa navoora, “Kigira wesedemaa ku mwami wa Siria na nuvula kwesedema ku Yahova Nyasaye woovo, iliihi liu mwami wa Isiraeli liahononoka kutura ku ivi.

2 Kyetsinyinga 18:1

Kunangwa Jehoshafati mwami wi Ivuyuda yaali nuvutugi vonene kandi ni lizominywa linyingi ligali. Yalomba uvuhambani vwi lileetana hagati ha avinyumba yeeye na avinyumba yu mwami Ahabu wa Isiraeli.

2 Kyetsinyinga 18:28

Maku mwami Ahabu wa Isiraeli nu mwami Jehoshafati wi Ivuyuda vazia kwingilira lidaala linene lia Ramozi mu kivala cha Gileadi.

2 Kyetsinyinga 18:3

Mwami Ahabu wa Isiraeli yateeva mwami Jehoshafati wi Ivuyuda, “Ulazia niinzi kwingilira lidaala lia Ramozi mu Gileadi?” Jehoshafati yativura, “Inzi mbeeye kuli ivi oveeye, na vandu vange vaveeye kuli avandu vovo. Kunyi kulazia naivi mu vulwani.”

2 Kyetsinyinga 18:7

Mwami Ahabu yativura, “Haveeye ho nu mulala utigaye, naye ni Mikaya, muyaayi wa Imula. Navuzwa mudunyiraa kigira si aporofetaa ku kindu kilahi ku inzi mba; navuzwa kidamanu vuli kazozo.” Jehoshafati yamutivulira, “Utavoola ndio mba!”

2 Kyetsinyinga 19:1

Mwami Jehoshafati wi Ivuyuda yirana mu mirembe munyumba yeeye yu vwami mu Jerusalemi.

2 Kyetsinyinga 19:10

Lwi viina viza ku munyi kutura ku avamwavo vinyu avamenyi mu madaala manene gaavo, kigira litahiza masahi, anoho kuvunaga amalago, Ni mukalaga, hene yaho, mu viganihizi vavule kokora mahiolo imbiri wa Yahova, nandio uvutima vwa Yahova vuvuli kuduuka ku munyi na vamwavo vinyu.

2 Kyetsinyinga 20:34

Vindu vindi viosi viu mwami Jehoshafati yakola, kutura mu litanga lie liamiiha lilie kuduuka ku keheri, via ng'odwa mu vitabu via makuva ga kale ga Jehu mwana muyaayi wa Hanani, kandi gang'odwa nu vitabu via makuva ka kale ga vami va Isiraeli.

2 Kyetsinyinga 24:18

Maku avandu valekera kusigamira Yahova mu Litembeli lia Yahova, Nyasaye wa vaguuga vaavo, ma nivatanga kusigamira vifananyi viu munyasaye mukali Ashera. Na uvutima vwa Yahova vwaduuka mu Ivuyuda na Jerusalemi kigira uvwoni vwavo.

2 Kyetsinyinga 26:18

kumugaya. Va vola, “Uzia! Si oveeye nuvunyari kusamba kimuli ku Yahova mba. Avasaalisi veng'ine, avaveeye kisukururwi cha Haruni, nivo avatakaswa kokora yaga. Tula ahatakatifu yaaha. Ivi umali kwonera Yahova Nyasaye, na sialakugasiza kandi mba.”

2 Kyetsinyinga 32:25

Navuzwa Hezekia yaali niliegingira linene ligali kali siyaali unyala kumanya lisandiza ku aga Yahova yaali naamukoleye mba. Ku lwayago, uvutima vwa Yahova vwaduuka kuye, Ivuyuda kandi Jerusalemi.

Zaburi 15:4

Mundu achaya avandu va Nyasaye amali kusuura, navuzwa ahaanaa uluyali ku yavo avatizaa Yahova, uyu akola goosi agaamali kulaga ndi alakola. Kandi sialagirung'ana mba.

Zaburi 21:8

Mwami alagumira avasigu veve vosi; alagumira yavo vosi avamudunyira.

Zaburi 68:1

Nyasaye asingiraa nasalanyiaa vasigu veve. Yavo avamudunyira virukaa muliguutwa!

Zaburi 71:15

Inzi ndavolera avandu amakuva gi vindu vilahi via ivi umali kokora. Ndalandiza amakuva gi vikolwa vivio vio vohonyi lidiku liosi, Kali niviva niviveeye vinyingi ligali kuvita limanya liange. O, Yahova Wuvunyali, inzi ndaaza nukulandiza vikolwa vivio viezingulu.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Amosi 7:14

Amosi yativura, “Amazia, inzi si mbeeye kulugano lwu muporofeti oporofetaa ku aduuki kutuungwa mba, anoho mwana wu muporofeti, navuzwa mbeeye vuzwa mwayi wi mitugu, kandi mulimi wi mikuyu ji mizabibu.

Yohana 15:18

“ Niiva avumukivala vamudunyira, mwizurizi ndi vadunyiraa inzi kutanga nivakiri kumudunyira.

Yohana 15:23

Oyo udunyiraa inzi, adunyiraa Baba wange kandi.

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 1:30

kandi vahuzirizaa, avandu vu kuvihilira Nyasaye, avatindi, avelori, avukwiyizominya, avigingiri, avakongi vi vindu vidamanu, na avatahuliraa aviivuli vaavo;

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Vafeso 5:11

Mutava ni lisanga ni miyinzi ji kisundi ijitaveeye nu vukala mba, navuzwa nivulahi mujichaye havulavu.

Kwidzulitsa 32:41

ndi ndahiagala kivavi change kehemahemaa, nokolola ndi uvulungi vokoleywe. Ndavanza kisaalia ku avasigu vange. Kandi mbane amageri ku yavo avandunyira.

Kwidzulitsa 33:11

Yahova, konya ihiiri yaavo vave avizingulu; uyaanzizwi ni cha vakora. Duvulanyia avasigu vaavo vosi; leka vavuli kusingira kandi mba.”

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.

Kwidzulitsa 7:10

Navuzwa sialilindagira kuhaana amageri maduukiru ku vandu avamudunyira mba.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

1 Samweli 9:9

Ku maziambiri mu kivala cha Isiraeli niiva umundu yaazizaa koteeva Nyasaye kindu, yaavolanga, “Hamba kuzie ku muloli.” Kigira muporofeti wa Kalunu yalangangwa muloli.