2 Kyetsinyinga 18:2 - KITABU KITAKATIFU

² Inyima wi mihiga minyingi Jehoshafati yazia mu lidaala linene lia Samaria kogeniha Ahabu. Ahabu yalombera Jehoshafati na yavo avaari harara naye lisavo kandi navitira magondi manyingi kandi zing'ombe zinyingi. Yaageriza kogoonya Jehoshafati kuhambana naye mu lingilira lidaala liene lia Ramozi mu kivala cha Gileadi.

2 Kyetsinyinga 18:2 ပူးပေါင်းရင်းမြစ်များ

1 Avami 1:9

Lidiku lilala Adonija yahaana kisiuviriru cha magondi, zigiriki, kandi vimoli viakomelizwa ha Lwanda Enzoka, ahimbi ni kidaho cha Enirogeli. Yagenihiza vayaayi vandi vu Mwami Daudi, kandi na vimiliri vu mwami avaatura mu kivala chi Ivuyuda; kuuza mu lisavo lie visiuviliru yili,

1 Avami 17:7

Inyima wing'inga ngekeeke, kagera zana kuuma kigira imbura siyaakubamba.

1 Avami 4:13

Ben Geberi; yamiha lidaala linene lia Ramozi Gileadi, na madaala mu Gileadi gaveeye gi vikiliango cha Jairi, kisukururwi cha Manase, kandi losoma lwosi lwa Ago mu Bashani, madaala manene goosi sitini, gumbakirwa lugaga lwa madigi madinyu, kandi Virivwa vie Miruguyu ji migasa.

2 Avami 9:1

Lidiku lilala, muporofeti Elisha yalanga mulala ku vaporofeti vayaayi namuvolera, “Wetegeke na uvuguli keseve cha maguta ga muzeituni yaga mu makono googo na uzie Ramozi mu Gileadi.

2 Kyetsinyinga 18:3

Mwami Ahabu wa Isiraeli yateeva mwami Jehoshafati wi Ivuyuda, “Ulazia niinzi kwingilira lidaala lia Ramozi mu Gileadi?” Jehoshafati yativura, “Inzi mbeeye kuli ivi oveeye, na vandu vange vaveeye kuli avandu vovo. Kunyi kulazia naivi mu vulwani.”

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

Nehemia 13:6

Navuzwa lwayaga goosi gaali nigekolekaa, inzi sindali nimbeeye mu Jerusalemi mba; kigira mu muhiga gwa 32 gwi liamiiha liu mwami Aritasakises wa Babiloni, ndaali ninzirani ku mwami kumumanyia amakuva gi miyinzi. Inyima wi ing'inga engekeeke mwami yamba munwa

Kwidzulitsa 4:43

Lidaala lia Bezeri, iliveeye mu kereremo chi changalangwe, liahaanwa ihiiri ya Rubeni; lidaala lia Ramozi, iliveeye mu kivala cha Gileadi, liahaanwa ku ihiiri ya Gadi, kandi lidaala lia Golani, iliveeye mu kivala cha Bashani liahaanwa ku ihiiri ya Manase.

Joshua 20:8

Ivugwi wu mugera gwa Jorodani, ku kereremo cha changalangwe ivugwi wi lidaala linene lia Jeriko, vatovora Bezeri mu kivala cha Rubeni; Ramozi mu Gileadi, mu kivala cha Gadi, kandi Golani mu Bashani, mu kivala cha Manase.