2 Kyetsinyinga 17:9 - KITABU KITAKATIFU

⁹ Vaavugura kitabu chi Lilaga lia Yahova kandi nivavodong'ana mu madaala goosi gi Ivuyuda, nivigiza avandu vosi.

2 Kyetsinyinga 17:9 ပူးပေါင်းရင်းမြစ်များ

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

2 Kyetsinyinga 19:8

Mu Jerusalemi, mwami Jehoshafati yatovola vandu va Levi, Avasaalisi, kandi valala ku aviimiliri vi zinyumba zia Isiraeli, kuli vakalagi mu viina hagati ha avamenya mu lidaala linene lia Jerusalemi kolondekana nilivunaga malago ga Yahova anoho volembani hagati ha vandu vamenyaa mu lidaala linene lia Jerusalemi.

2 Kyetsinyinga 35:3

Kandi mwami yavolera vandu va Levi avaari vigizi mu Isiraeli yoosi, kandi avaari avatakase ku Yahova; “Muviiki Lisandugu litakatifu lie lilagana lia Yahova, mu Litembeli lia Solomoni muyaayi wa Daudi mwami wa Isiraeli yumbaka. Mutaligi kandi ku mavega ginyu kutura yaaha na ahamba. Kalunu mutumikiri Yahova Nyasaye winyu, kandi avandu veve Isiraeli.

Nehemia 8:7

Maku avandu vosi vasingira ma nivasingira mu vogono vwavo, na vandu va Levi yava vavivaalira amakuva goosi gi Lilaga zana: Jeshua, Bani, Sherebia, Jamini, Akubu, Shabezai, Hodia, Maaseia, Kelita, Azaria, Jozabadi, Hanani, na Pelaia

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Matayo 10:23

“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.

Matayo 11:1

Lwa Yeso yamala kuhaana malago ku aviigi veve likomi na vaviri, yatura ahene yaho nazia kwigiza nu kwilwaza mu madaala lia Galilaya.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Yohana 5:46

Niiva mu agiligali muva ni mwasuuvira Musa, ngano mwasuuvira inzi kandi, kigira Musa yang'oda kigira inzi.

Vikolwa 13:15

Inyima wi lisoma mu kitabu chi Lilaga lia Musa kandi mu mang'oda ga vaporofeti, avanene vi lisinagogi vaatuma mundu kuvo kovora ndi: “Avaamitu, nimuveeye ni likuva liu kudinyiriza vandu, muvavoolere.”

Vikolwa 15:21

Kutura kale, malago ga Musa gilwazwa mu madaala goosi, nigasomwa mu masinagogi goosi madiku gi Lisabato goosi.”

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 8:40

Filipo yizukanira vuzwa naveeye mu lidaala lia Azota; yaazizagilira kuvitira mu madaala goosi ni yilwaza Ivangeri mu madaala goosi kuduuka lwa yaduuka Kaisaria.

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.