2 Kyetsinyinga 17:6 - KITABU KITAKATIFU

⁶ Mwoyo gwigwe gwaali nu vuluviliri mu litumikira Yahova kandi yononyia havundu hoosi hukusigamira avanyasaye kandi yononyia vifananyi viosi viu munyasaye wikikali Ashera mu Ivuyuda.

2 Kyetsinyinga 17:6 ပူးပေါင်းရင်းမြစ်များ

1 Avami 22:43

Kuli baba weve Asa waali imbiri weve, yakola agaali malungi imbiri wa Yahova; navuzwa siyononyia havundu hoosi hukusigamira misambwa mba, na avandu zana yavo vazizagilira kuhaanira visiuviliru nukusambira ho vimuli.

2 Kyetsinyinga 14:2

Mwami Asa yakola vindu vinyingi vilahi viuvulungi imbiri wa Yahova Nyasaye weve.

2 Kyetsinyinga 14:3

Yaatuliza ho uvwali vogeni havundu haali hu kusigamira misambwa, ma kandi nasambura zitiru zia magina ma naatema vifananyi via nyasaye wi kikali Ashera.

2 Kyetsinyinga 15:17

Kali niiva mwami Asa si yononyia havundu hoosi hu kusigamira misambwa mu kivala, navuzwa yaali musuuvirifu ku Yahova mu livamwoyo lilie.

2 Kyetsinyinga 19:3

Navuzwa kali nindio, gaveeye ho amalahi malala mu ivi. Watuliza ho ivifananyi viosi viu munyasaye wi kikali - Ashera, ma kandi umali kogeriza kolonda vulaliri vwa Nyasaye.”

2 Kyetsinyinga 20:33

navuzwa havundu hu kusigamira misambwa sihononywa mba. Avandu si vagirung'ana kusigamira Nyasaye wa vaguuga vaavo ni mioyo jaavo josi.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

Ayubu 22:26

maku ulava ni liyaanzizwa mu Nyasaye Wuvunyali, kandi ulalola ndi aveeye litangilira liu vusangali vuvwo.

Zaburi 119:1

Vaveeye nuvugasu avandu yavo vilimenya liavo liveeye vugira imbara; avamenyaa kolondekana ni lilaga lia Yahova.

Zaburi 138:5

O, Valimba lizominywa lie vikolwa vivio, kandi kigira uvukumi vuvwo voveeye vonene ligali.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

Kwidzulitsa 28:47

Yahova yamugasiza mu zinzira ziosi, navuzwa simwali munyala kumutumikira nuvusangali kandi nuvuyanzi mu mioyo jinyu mba.