2 Kyetsinyinga 17:3 - KITABU KITAKATIFU

³ Yahova yagasiza Jehoshafati, kigira yalonda liiva liu kutanga lia baba weve kandi si yasigamira Baali mba.

2 Kyetsinyinga 17:3 ပူးပေါင်းရင်းမြစ်များ

Litanga 39:21

Navuzwa Yahova yaali harara na Josefu, kandi yamuyanza ligali, kandi namugasiza imbiri wu mulindi winyumba ya vahambe.

2 Samweli 5:10

Yaazizagilira kugwa nizinguru zing'inga ziosi kigira Yahova Nyasaye Wanyala Viosi yaali naye.

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

1 Avami 11:6

Yakola vwoni ku Yahova kandi siyaali wiligali kuye kuli baba weve Daudi mba.

1 Avami 22:43

Kuli baba weve Asa waali imbiri weve, yakola agaali malungi imbiri wa Yahova; navuzwa siyononyia havundu hoosi hukusigamira misambwa mba, na avandu zana yavo vazizagilira kuhaanira visiuviliru nukusambira ho vimuli.

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

2 Avami 14:3

Yakola agaali gu kuyanziza Yahova, navuzwa siyali kuli guuga weve mwami Daudi mba. Muvogono yivwo yakola aga baba weve Joashi yaali naakori.

2 Avami 16:2

Ahazi yaali ni mihiga sirini lwa yaatanga kwamiiha, na yamiha ku mihiga komi na sita mu Jerusalemi. Siyakola agaali malungi mu zimoni zia Yahova, Nyasaye weve, kuli guuga weve Daudi yakola mba,

2 Avami 18:3

Yakola agaali malungi mu zimoni zia Yahova kuli Daudi guuga weve yakola.

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

1 Kyetsinyinga 22:18

Yavoola, “Yahova Nyasaye winyu yaveyange ni munyi kandi ukuheeye mirembe ku zimbega zizio. Yagila ninguuta avandu vosi avamenyaa mu kivala yiki, na vosi vaveeye avatumikiri vovo kandi va Yahova.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 17:2

Yavika amahi mu madaala manene gi zimbinga goosi gi Ivuyuda, mu kivala choosi chi Ivuyuda kandi niyumbaka zimbinga mu kivala choosi chi Ivuyuda kandi mu madaala aga Asa baba weve yanyaga Isiraeli mu kivala cha Efuraimu.

2 Kyetsinyinga 17:4

Yatumikira Nyasaye wa baba weve, naahulira amalago ga Nyasaye, na si yakola kuli vikolwa via vami vosi va Isiraeli vaakora mba.

2 Kyetsinyinga 20:32

Mwami Jehoshafati yagenda mu zinzira zia Yahova kuli baba weve Asa yagenda mu, na siyazia ha lovega kutura ku yo mba. Yakola agaali malungi imbiri wa Yahova,

2 Kyetsinyinga 21:12

Muporofeti Elija yatuma ibarwa ku mwami Jehoramu kovora, “Yahova, Nyasaye wa guuga woovo Daudi, aduraa ivi kigira si walonda liiva lia baba woovo, mwami Jehoshafati, anoho lia guuga woovo, mwami Asa mba.

2 Kyetsinyinga 22:9

Jehu yenyeleriza Ahazia mbitilira, na vandu veve vagumira Ahazia lwa yaali niyivisi mu Samaria. Vamuleeta ku Jehu ma naamwita. Vaamuta vuzwa kigira vavoola, “Yaali mwisukulu wa Jehoshafati, uwahulira Yahova nu mwoyo gwigwe gwosi.” Kunangwa sihali ho nu mulala munyumba ya Ahazia uwaali nizinguru kuzizagiliriza uvwami mba.

2 Kyetsinyinga 27:6

Jozamu yagwa wizingulu ligali kigira yahulira Yahova Nyasaye weve nu vusuuvirifu vwosi.

2 Kyetsinyinga 29:2

Yakola agaali malungi imbiri wa Yahova kuli mwami Daudi guuga weve.

2 Kyetsinyinga 34:2

Yakola agaali amalungi imbiri wa Yahova, kandi yalonda liiva liaguuga weve Daudi, naatia malago ga Yahova ligali.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Kutwula 4:12

Kalunu zia! Ndakokonya komoloma, kandi ndakovolera agovoola.”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 8:10

Mulohiza makuva ginyu harara, navuzwa si mulaguuta mba. Mumolome kuli munyala! Navuzwa goosi gaveeye agavuzwa, kigira Nyasaye aveeye harara ni kunyi.

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Matayo 25:16

Uyu wahevwa zitalenta zitano yazia naakiranyia nanyoora uvukala vwi zindi zitano.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Vakalagi 2:11

Maku vandu va isiraeli vaakora vwoni imbiri wa Yahova, nivatanga kusigamira vanyasaye va Baali;

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.

Vakalagi 6:12

Engelosi wa Yahova yaloleka ku Gidioni na amuvoleraa, “Yahova aveeye nivi, mundu muluviliri kandi mundu wuvunyali.”

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.

1 Samweli 18:12

Saolo yatia Daudi kigira Yahova yaali harara naye, navuzwa Yahova yaali naleki Saolo.

1 Samweli 18:14

kandi yaali ni ingavi yi liguuta mu goosi aga yakola; kigira Yahova yaali harara naye.

1 Samweli 18:5

Choosi cha Saolo yatuma Daudi akole, yaakekola vulahi novogeri ligali kali kuduuka Saolo naamuha idalaja yigulu mu liihi. Kekolwa yiki chayaanziza vandu vosi kandi avatumikiri va Saolo.