2 Kyetsinyinga 17:17 - KITABU KITAKATIFU

¹⁷ Munene wa amahi kutura mu viliango vie ihiiri ya Benjamini yaali Eliada, musikari wuvuluviri vwokogenyia, mulindi wa vasikari vi liihi 200,000 niviviiki viuma viezingavo nuvuta.

2 Kyetsinyinga 17:17 ပူးပေါင်းရင်းမြစ်များ

1 Kyetsinyinga 7:11

Vaali mitwi ja vizinyumba mu kiliango chavo kandi vaali avasikari vi lizominywa mu vulwani kandi avizingulu. Visukululwi viavo viali harara na vasaza 17,200 avaadukana kung'odwa mu vutumiki vwi liihi.

2 Kyetsinyinga 14:7

Yavolera avandu vi Ivuyuda, “Gendi kwumbake madaala manene yaga, kugakumberize ni zingaga zia madigi makandi minaara, virivwa kandi miruguyu. Kivala yiki kikikiri chiitu, kigira kwenyaa Yahova Nyasaye wiitu, kwamwenya, kandi yakuha mirembe ku lovega lwosi.” Kunangwa vumbaka ma nivagasizwa ligali.

2 Kyetsinyinga 14:8

Mwami Asa yaali ni liihi lia avasaza 300,000 kutura Ivuyuda, vaali niviyavaye zinguva na matimu, ma kandi vasaza 280,000 kutura mu kivala cha Benjamini niviyavaye zinguva nu vuta. Vosi vaali avasaza vo vogeri, avizingulu kandi avasuuvirifu.

2 Kyetsinyinga 17:16

Uwakavaga yaali Amasia muyaayi wa Zikiri yaali na avasikari vi liihi 200,000. Amasia yaali niyihaana kutumikira Yahova.

2 Kyetsinyinga 17:18

Mulondi weve mu vonene yaali Jehozabadi yaali navasaza vi liihi 180,000, avaari nivetegeki vulahi ku vulwani.

Livalidza 1:36

Kutura mu ihiiri ya Benjamini, avasaza vosi avaari ni mihiga 20 kuzizagilira avaari vanyara kuzia mu vulwani vang'odwa mita gaavo kolondekana ni zihiiri ziavo kandi zinyumba ziavo.