2 Kyetsinyinga 16:9 - KITABU KITAKATIFU

⁹ Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

2 Kyetsinyinga 16:9 ပူးပေါင်းရင်းမြစ်များ

Litanga 31:28

Kigira ki wavula koleka ndavuusa na vakana vange kandi na visukuru vange? Yiki ni kindu chu vusilu chumali kokora!

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

1 Avami 15:32

Mwami Asa wi Ivuyuda nu mwami Baasha wa Isiraeli vaali mu valwaana kazozo, ga vaali mu vwamihi.

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

1 Kyetsinyinga 21:8

Daudi yavolera Nyasaye, “Inzi mali kokora uvwoni vudamanu ligali mu likora inguuva yiyi! Mwaza nuyanza usamihi. Inzi mali kokora vudamanu ligali.”

2 Kyetsinyinga 15:17

Kali niiva mwami Asa si yononyia havundu hoosi hu kusigamira misambwa mu kivala, navuzwa yaali musuuvirifu ku Yahova mu livamwoyo lilie.

2 Kyetsinyinga 15:19

Na si haali ho nuvulwani kandi kuduuka ku muhiga gwa 35 mu liamiiha lio mwami Asa.

2 Kyetsinyinga 16:10

Yaga galoomba mwami Asa kuva nu vutima nu muporofeti Hanani, na yalaga muporofeti avofwe ni aviikwi ku minyororo na avikwi munyumba ya vahambe. Yaali ing'inga yiyi lwu mwami Asa yaatanga kudambiza avandu valala mu Ivuyuda.

2 Kyetsinyinga 19:9

Yavalaga: “Mukore miyinzi jinyu mu liitia Yahova, nu vusuuvirifu nu mwoyo gwosi.

2 Kyetsinyinga 6:20

Linda Litembeli yili mbasu nu vudiku. Ivi umali kulaga ndi, havundu yaaha niho aha ivi usigamirwa. Kulwayago, hulira lisaala liange lwa mbenzaa Litembeli yili nisaara.

Ezara 5:5

Navuzwa Nyasaye yalinda aviimiliri vi Ivuyuda, kandi avanene va Pasia sivali vanyara kuvagaya mba kuduuka lwa vang'oda ibarwa kuzia ku Dariasi kandi vanyoore amativuli.

Ayubu 28:24

Kigira oyo alolaa kali kuduuka ku keheri chi lirova, kandi alolaa vuli kindu isi wi ligulu.

Ayubu 31:4

Nyasaye amanya vindu viosi viangolaa, nukuvaliza zinduvatiru ziange ziosi zia inzi senaa.

Ayubu 34:21

Nyasaye ahenzerizaa zinzira zia vandu, kandi alolaa havundu hoosi aha azizaa.

Zaburi 113:6

navuzwa yinamaa hasi kohenza aduuki kolola ligulu ni lirova.

Zaburi 33:14

Ahenzaa avandu vosi vu mulirova, kutura kondeve yeeye yu vwami mwigulu.

Zaburi 33:15

Alombaa zing'anagani ziosi mu mwoyo gwa vuli mundu, kandi amanya vindu viosi via vakora.

Zaburi 33:18

Yahova aheenzaa yavo avamutiizaa, kandi yavo avasuuviraa mu vuyanzi vwivwe uvutali ne keheri.

Zaburi 34:15

Yahova ahenzaa ku valungi veve, kandi ahuliraa lianira liavo,

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Tsing'ano 15:3

Yahova alolaa chekoleka havundu hoosi, akohezaa lwa kokoraa vulahi anoho vudamanu.

Tsing'ano 5:21

Yahova alolaa vindu viosi via okolaa. Hauzia hoosi, akohezaa.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Jeremia 16:17

Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Zekaria 4:10

Valavihilirwa kigira miyinzi sijizizagiliraa vulahi mba. Navuzwa valalola Zerubabeli nazizagilira kwumbaka Litembeli, navalava nuvusangali.”

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

1 Vakorintho 15:36

Ivi musiru! Lwutaagaa vumwu mu marova, si vunyala komera nivutakuzi kutanga mba.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

1 Petro 3:12

Mwami ahenderaa umwoyo avalungi kandi ahuliraa lisaala liavo; navuzwa muhingiri yavo avakolaa uvudamanu.”

1 Samweli 13:13

Samweli yamuvolera, “Okoli kindu chu vusiru. Watia malago ga Yahova Nyasaye woovo akoheeye mba. Ulatia, yaali yakaleki ivi harara ni kisukururwi chicho ukwaamiiha ku Isiraeli mihiga ni mihiga.