2 Kyetsinyinga 16:2 - KITABU KITAKATIFU

² Kunangwa mwami Asa yavugula ifeza ni izahabu yoosi yaatigala mu mavikiru gi Litembeli, kandi munyumba yu vwami, navituma Damasiko ku mwami Benihadadi wa Siria na makuva yaga,

2 Kyetsinyinga 16:2 ပူးပေါင်းရင်းမြစ်များ

1 Avami 15:18

Kunangwa mwami Asa yavugula ifeza ni izahabu yoosi yaali yalekwa mu Litembeli nu munyumba yu vwami, ma natuma valala ku vanene veve ku vihila Damasiko, mwami Benihadadi wa Siria muyaayi wa Taburimoni, na mwisukulu wa Hezioni, na makuva yaga:

2 Avami 12:18

Mwami Joashi wi Ivuyuda yavugula vihaanwa viosi via vami vosi avaari imbiri weve: Jehoshafati, Joramu, na Ahazia vaali ni vaviika ha lovega ku lwu vutumiki vwa Nyasaye, nameda ku vihaanwa vivie mwene, kandi izahabu yoosi kutura mu mavikiru gi Litembeli kandi gi inyumba yu vwami, ma navituma viosi kuli kihanwa ku mwami Hazaeli, uwamanya natuliza liihe lilie liosi kutura Jerusalemi.

2 Avami 16:8

Ahazi yavugula ifeza ni zahabu kutura mu Litembeli kandi mu livikiru lie inyumba yu vwami ma nagituma kuli kihanwa ku mwami wa Asiria.

2 Avami 18:15

Hezekia yamutumira ifeza yoosi iyaali mu Litembeli kandi mu livikiru lie inyumba yu vwami.

2 Kyetsinyinga 16:1

Mu muhiga gwa 36 mu liamiiha liu mwami Asa wi ivuyuda, mwami Baasha wa Isiraeli yingilira Ivuyuda kandi natanga kwumbaka imbinga ha Rama kuduuka kwigalira zinzira ziosi ziukwingira nukutura Ivuyuda.

2 Kyetsinyinga 16:3

“Leka kove avalina kulilagana kuli avababa viitu vaali. Ifeza yiyi ni izahabu, viveeye vihaanwa vivio. Kalunu vunanyia vulina vwililagana liilio nu mwami Baasha wa Isiraeli kunangwa aduuki kutuliza amahi geege mu kivala change.”

2 Kyetsinyinga 28:21

Maku Ahazi yavugula izahabu kutura mu Litembeli, zinyumba ziu vwami, kandi kutura mu zingo zia viimiliri va vandu, ma nagihaana ku mwami wa Asiria, navuzwa kali yaga sigakonya kindu mba.

Jeremia 49:23

Yaga nigo aga Yahova yavoola kigira Damasiko: “Avandu mu madaala ga Hamazi na Aripadi vaveeye mulihenda mioyo kandi mulinyangizwa kigira vamali kuhulira amakuva madamanu. Vakukuza mioyo nukunyangizwa kuli inyanza itaveeye novosoosi.