2 Kyetsinyinga 15:3 - KITABU KITAKATIFU

³ Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

2 Kyetsinyinga 15:3 ပူးပေါင်းရင်းမြစ်များ

2 Kyetsinyinga 17:7

Mu muhiga gwa kavaga gwi liamiiha lilie, yatuma avanene veve yava kuzia kwigiza mu madaala manene goosi gi Ivuyuda: Benihaili, Obadia, Zakaria, Nezaneli na Mikaya.

Nehemia 8:9

Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Kyavalevi 10:11

Kuduuka mwigizi avandu va Isiraeli malago goosi ga inzi mali kumuha kuvitira mu Musa.”

Kyavalevi 10:8

Yahova yavolera Haruni,

Amosi 8:11

Yahova avoora, “Henza, madiku gaazaa; lwa ndituma inzara enene ku kivala. Avandu valava ni inzara, navuzwa itali inzara yi chukulia. Valava nuvuluhu navuzwa sivulava vuluhu vwa mazi, navuzwa vuluhu kigira lihulira likuva liange. Inzi Yahova, Nyasaye Wuvunyali mali kovora.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Varumi 2:12

Avandu vosi vamali kokora vwoni vugira kumanya Lilaga lia Musa valadiva vugira lilaga. Avandu vosi vakola vwoni nivamanya Lilaga, valakalagirwa kolondekana ku Lilaga.

1 Vakorintho 9:21

Munzira ndala nzere, lwa nyinziraa harara na vandu vizihiiri, menyaa kuli vandu vizihiiri, vugira kolonda Lilaga lia Vayuda. Ngolaa ndio kunangwa nduuki konyoora vandu vizihiiri vaze ku Kristo. Yaga sigamanyia ndi inzi menyaa ichova wi Lilaga lia Nyasaye mba; inzi nondaa ligali Lilaga lia Kristo.

Kwidzulitsa 33:10

“Valigiza avandu vovo kuhulira Lilaga liilio; valahaana visiuviliru ku vwali vuvwo.

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.