2 Kyetsinyinga 15:17 - KITABU KITAKATIFU

¹⁷ Kali niiva mwami Asa si yononyia havundu hoosi hu kusigamira misambwa mu kivala, navuzwa yaali musuuvirifu ku Yahova mu livamwoyo lilie.

2 Kyetsinyinga 15:17 ပူးပေါင်းရင်းမြစ်များ

1 Avami 11:4

kandi kuduuka ku ing'inga ya yaali niyakaduuka musakulu, vagira nasigamiraavanyasaye vageni. Siyaali musuuvirifu ku Yahova Nyasaye weevemba, kuli baba weve Daudi mba.

1 Avami 22:43

Kuli baba weve Asa waali imbiri weve, yakola agaali malungi imbiri wa Yahova; navuzwa siyononyia havundu hoosi hukusigamira misambwa mba, na avandu zana yavo vazizagilira kuhaanira visiuviliru nukusambira ho vimuli.

2 Avami 12:3

Nitali, ha vundu hu kusigamira misambwa sihononywa mba na vandu vazizagilira kuhaanira ho ivisiuviliru kandi kusambira ho vimuli.

2 Avami 14:4

Navuzwa siyasambula havundu hu kusigamira misambwa, na avandu vazizagilira kuhaanira ho visiuviliru nu kusamba kimuli.

2 Kyetsinyinga 15:16

Mwami Asa yaatuliza guuku weve Maaka kutura mu vwiyangu vwivwe kuli vwami vwi kikali, kigira yaali naalombi kifananyi chu kuvihiliriza chu munyasaye Ashera. Mwami Asa yononyia kifananyi yicho ligali ma nasambira vidonye viacho mu livona lia Kidironi.

2 Kyetsinyinga 15:18

Yavika mu Litembeli iviju viosi via baba weve Abija yaali ni yatakasa ku litumika lia Nyasaye, harara ni zahabu, ifeza, kandi iviju viu mwene yatakasa.

2 Kyetsinyinga 17:6

Mwoyo gwigwe gwaali nu vuluviliri mu litumikira Yahova kandi yononyia havundu hoosi hukusigamira avanyasaye kandi yononyia vifananyi viosi viu munyasaye wikikali Ashera mu Ivuyuda.

2 Kyetsinyinga 20:32

Mwami Jehoshafati yagenda mu zinzira zia Yahova kuli baba weve Asa yagenda mu, na siyazia ha lovega kutura ku yo mba. Yakola agaali malungi imbiri wa Yahova,

2 Kyetsinyinga 20:33

navuzwa havundu hu kusigamira misambwa sihononywa mba. Avandu si vagirung'ana kusigamira Nyasaye wa vaguuga vaavo ni mioyo jaavo josi.

2 Kyetsinyinga 28:4

Ahazi yahaana visiuviliru nukusamba kimuli havundu hukusigamira misambwa, ku vigulu kandi isi wa vuli musaala gwi chiriri.

2 Kyetsinyinga 33:17

Kali nigava avandu vosi vazizagilira kuhaana visiuviliru havundu hukusigamira misambwa, vaahana vihaanwa yivio vuzwa ku Yahova Nyasaye wavo yeng'ine.