2 Kyetsinyinga 14:11 - KITABU KITAKATIFU

¹¹ Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 14:11 ပူးပေါင်းရင်းမြစ်များ

1 Avami 8:44

“Lwu ulaga vandu vovo vazie muvulwani kulwaana avasigu vaavo, kandi nivasaara ku ivi, hoosi havaveeye, nivahenzi ku lidaala linene yili lia ivi umali kotovola, kandi Litembeli yili lia inzi mali kukwumbakira,

1 Kyetsinyinga 5:20

Vaviika lisuuvira liavo mu Nyasaye, ma nivaanira kuye avahe ovokonyi; na Nyasaye yavativulira lisaala liavo, kandi navakola avaguuti ku Vahagari na vakonyeleri vaavo.

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 13:14

Avayuda viikivuka nivalora ndi vaakumbiriziywi. Vanira ku Yahova avakoonye, na vasaalisi vaakuba visiliva.

2 Kyetsinyinga 13:15

Avandu vi Ivuyuda vaakuba ulukwiri lwu vulwani vudinyu, na nivimiliywi nu mwami Abija, vaatulira Avaisiraeli. Nyasaye yaguuta Jeroboamu harara ni liihi linene lia Avaisiraeli.

2 Kyetsinyinga 13:18

Nandio avandu vi Ivuyuda vaali avaguuti ku avandu va Isiraeli, kigira vaasedema ku Yahova, Nyasaye wa vaguuga vaavo.

2 Kyetsinyinga 14:10

Hene yaho, mwami Asa yazia kulwaana Zera, vombi vavugura vogono vwavo mulivona lia Zefaza mu kivala cha Maresha.

2 Kyetsinyinga 16:7

Ing'inga yene yeyo, muporofeti Hanani yazia ku mwami Asa navoora, “Kigira wesedemaa ku mwami wa Siria na nuvula kwesedema ku Yahova Nyasaye woovo, iliihi liu mwami wa Isiraeli liahononoka kutura ku ivi.

2 Kyetsinyinga 18:31

Kunangwa lwa valora mwami Jehoshafati, vaganagana ndi niyie mwami wa Isiraeli na vagirung'ana kuzia kumwingilira. Navuzwa Jehoshafati yahanzuka, na Yahova Nyasaye yamuhonyia ma naagirung'anyia lingilira yilio kutura kuye.

2 Kyetsinyinga 20:12

Ivi oveeye Nyasaye wiitu! Haana amageri kuvo, kigira sikoveeye kindu imbiri wi liihi linene yili ilikulwanaa. Sikumanyi cha kunyala kokora, navuzwa kusuuviraa ndi ivi ulakokonya.”

2 Kyetsinyinga 20:32

Mwami Jehoshafati yagenda mu zinzira zia Yahova kuli baba weve Asa yagenda mu, na siyazia ha lovega kutura ku yo mba. Yakola agaali malungi imbiri wa Yahova,

2 Kyetsinyinga 25:8

Hawundi uganagana ndi avasaza yava valakokola ove ni zinguru mu vulwani, navuzwa ni Nyasaye yeng'ine oveeye ni zinguru kokokola uguuti mu vulwani, kandi anyala kuha avasigu vovo zinguru vakulwaane nu kukuguuta.”

2 Kyetsinyinga 26:7

Nyasaye yaamukonya ukuguuta vandu va Filisitia, Avandu Arabu avamenyaa ha Guri-baali, kandi Avameuni.

2 Kyetsinyinga 32:20

Maku mwami Hezekia nu muporofeti Isaya muyaayi wa Amozi, vasaala ku Nyasaye kandi vanira kuye avakoonye.

2 Kyetsinyinga 32:8

Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

Zaburi 120:1

Lwa ndaali mu kivi, ndanira ku Yahova, naye yandivulira.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 20:5

Maku kulahanzuka kigira uvusangari ku liguuta liilio na kulaloomba lilia ku lizominya Nyasaye wiitu kigira liguuta liilio. Yahova akutivuliri lienya liilio liosi.

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 22:5

Vanira ku ivi, ma nivahona kutura mu vuhimwa. Vaasuuvira ivi na sivaviikwa mu zisoni kali hakuzu mba.

Zaburi 22:6

Navuzwa inzi simbeeye mundu kandi mba; mbeeye vuzwa eng'ende. Ndegeelizangwa nokokolerwa kehenyahenye na vandu vosi!

Zaburi 34:6

Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

Zaburi 37:5

Wenye uvulariri vwa Yahova, usuuviri muye, naye alakokoonya.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 9:19

O, Yahova; hamba! Utaleka mundu kali mulala akuguuti mba, leeta zihiiri ziosi imbiri woovo, na uzikalagiri!

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Kutwula 14:10

Lwa avandu va Isiraeli valora Mwami wa Egebeti harara niliihi linene lilie nivaazaa kuvo, vaadegera ligali nivaanira ku Yahova nu mwoyo gwosi avakonye.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 10:20

Ing'inga yizaa lwa vandu va Isiraeli vatigara kandi avahononoka valakavuli kusuuvira ihiiri yaali himbi kuvadiviza. Valakaviki lisuuvira liavo ku Yahova, Nyasaye Mutakatifu wa Isiraeli.

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Isaya 26:13

O, Yahova, Nyasaye wiitu, kwamala kwamiifwa navandu vandi, navuzwa ivi weng'ine oveeye Yahova wiitu.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Kyavalevi 26:8

vatano ku munyi valaguuta vasigu mia moja; kandi mia moja ku munyi valaguuta avasigu zielefu likomi, kandi avasigu vinyu valaguutwa ni kivavi.

Amosi 5:9

Aleetaa lidiviza ku avizingulu kandi ku zimbinga ziavo.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Yohana 14:1

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Vikolwa 2:21

Kandi galava ndio, ku avandu vosi ulianira ku lieta liu Mwami, alakahonywi.’

Vikolwa 3:16

Ziali zinguru zie lieta lia Yeso, ziahaana ku mundu mulema uyu zinguru. Icha munyi muloraa nukumanya chekoleka kigira lisuuvira mu lieta lilie. Lisuuvira mu Yeso nilio liheeye mundu uyu uvulamu vwokohona ligali kuli mwosi muloraa.

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.

Vakalagi 7:7

Yahova yavolera Gidioni, “Ndatumikira avandu miatatu avaagamula amazi kuli zimbwa kulwana vandu va Midiani. Avatigaaye vosi viirane wavatuli.”

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:47

Kandi avandu vosi avavungi hano valalola ndi Yahova siyeenyaa ivivavi na matimu, okohonyia avandu veve mba. Aveeye muguuti mu vulwani kazozo, na alaviika munyi mwosi mu zinguru zietu.”

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.