2 Kyetsinyinga 13:14 - KITABU KITAKATIFU

¹⁴ Avayuda viikivuka nivalora ndi vaakumbiriziywi. Vanira ku Yahova avakoonye, na vasaalisi vaakuba visiliva.

2 Kyetsinyinga 13:14 ပူးပေါင်းရင်းမြစ်များ

1 Kyetsinyinga 5:20

Vaviika lisuuvira liavo mu Nyasaye, ma nivaanira kuye avahe ovokonyi; na Nyasaye yavativulira lisaala liavo, kandi navakola avaguuti ku Vahagari na vakonyeleri vaavo.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 18:31

Kunangwa lwa valora mwami Jehoshafati, vaganagana ndi niyie mwami wa Isiraeli na vagirung'ana kuzia kumwingilira. Navuzwa Jehoshafati yahanzuka, na Yahova Nyasaye yamuhonyia ma naagirung'anyia lingilira yilio kutura kuye.

2 Kyetsinyinga 32:20

Maku mwami Hezekia nu muporofeti Isaya muyaayi wa Amozi, vasaala ku Nyasaye kandi vanira kuye avakoonye.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 91:5

Utatia uvuhimwa vwukutihiza mu ing'inga yuvudiku, anoho lingilirwa lia nonoho mu ing'inga ya mbasu;

Kutwula 14:10

Lwa avandu va Isiraeli valora Mwami wa Egebeti harara niliihi linene lilie nivaazaa kuvo, vaadegera ligali nivaanira ku Yahova nu mwoyo gwosi avakonye.

Livalidza 10:9

Lwamuzia kulwaana avasigu vamudambiza mu kivala chiinyu, maku mulakuba visiliva; ninzi Yahova Nyasaye winyu ndamukonya kandi ndamuhonyia kutura ku vasigu vinyu.

Joshua 6:16

Ku ing'inga ya saba, lwa vasaalisi vaali ahimbi kukuba visiriva, Joshua yalaga avandu vasaza veve vosi vahanzuki, kandi yavoola, “Yahova umali kuha munyi lidaala linene yili.”

Joshua 8:20

Lwa avasaza va Ayi viikivuka, valora umwochi niguduumaa. Sihaali ho ninzira ya virukira mu mba; kigira vandu va Isiraeli aviirukira muchangalangwe, vavingilira.