2 Kyetsinyinga 13:12 - KITABU KITAKATIFU

¹² Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 13:12 ပူးပေါင်းရင်းမြစ်များ

2 Kyetsinyinga 24:20

Hene yaho Roho wa Nyasaye yaduuka ku Zakaria muyaayi wa Jehoyada musaalisi. Yasingira havundu ha vandu vosi vaali vanyara kumulora, navoora, “Yahova Nyasaye ateeva, ‘Kigira ki si mwahulira malago geege, na muletaa kivi ku munyi aveene! Mwaleka Yahova na Yahova ya mulekaa.’ ”

2 Kyetsinyinga 32:8

Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Isaya 8:10

Mulohiza makuva ginyu harara, navuzwa si mulaguuta mba. Mumolome kuli munyala! Navuzwa goosi gaveeye agavuzwa, kigira Nyasaye aveeye harara ni kunyi.

Jeremia 2:37

Mulagirung'ana kutura ku avandu va Egebeti nimufumi makono mu zimoni zienyu kigira zisoni. Inzi Yahova, mali kusuura yavo avamusuuviraa muvo; kandi si valamukonya mba.”

Jeremia 50:24

Avandu va Babiloni, munyi mwalwana inzi, na mumali kugumirwa mumutego gwa ndamutega, kali niiva simwamanya mba.

Ezekieli 17:9

“Kunangwa inzi, Yahova Wuvunyali, ndateeva ndi: ‘Muzabibu yigu gulamenya kandi guviruki?’ Indizu yukutanga siliiha imiri, yaguli makuyu, ivunanye iziisia kandi eleke amatu gagwo amavisi niganiara? Si gulenya ihiiri ye zinguru anoho avandu vanyingi kugwiha ni miri mba.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Livalidza 14:41

Navuzwa Musa yavoola, “Kigira ki si muvura kutia lilaga lia Yahova? Munyi si mulaguuta mba!

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Livalidza 31:6

Musa yavatuma mu liihi hasi hu vwimiliri vwa Finiasi muyaayi wu musaalisi Elieza walindaa viju vitakatifu kandi visiliva viatumikirwa kuhaana vimanyiru.

Vikolwa 5:39

Navuzwa nijiva ni jatula ku Nyasaye, munyi si munyala kuvaguuta mba. Kali mulanyola aveene ni mulwaanaa Nyasaye!” Kunangwa avakulundu vi kiyaalo vosi valonda ligerihiza lia Gamalieli.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kwidzulitsa 20:4

Yahova Nyasaye winyu niyie wimiraa kuzia harara nimunyi kumulwanira vasigu vinyu, aduuki kumuha liguuta.’

Kwidzulitsa 28:29

Mulahavatiza yiyi na yiyi mbasu hagati kuli umuvoku mu kisundi, navuzwa simunyala konyoora inzira mba. Simulagaasizwa mu vindu viosi via mukora mba. Muladambizwa nu kunuurwa madiku goosi, na sihalavaho nu mundu wu kumukonya mba.

Vahebraina 2:10

Vwali vulahi ndi, Nyasaye, umulombi numulindi wi vindu viosi, aduuki kokora Yeso kuva muduukiru ligali kuvitira muvusaliri, kunangwa aleete avana vanyingi kusanga mu vukumi vwivwe. Yeso niyie uvimiliraa kuduuka ku vohonyi.