2 Kyetsinyinga 11:15 - KITABU KITAKATIFU

¹⁵ Jeroboamu yetovolera avasaalisi veve mwene kutumika havundu hu kusigamira kandi vanyasaye vandi kandi kusigamira mademoni nivifananyi via yalomba mu lifana lie vimoli vigiriki.

2 Kyetsinyinga 11:15 ပူးပေါင်းရင်းမြစ်များ

1 Avami 12:28

Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

1 Avami 12:31

Jeroboamu yumbaka kandi havundu hukusigamira kuzindongozi zie vigulu, kandi yatovola vasaalisi kutura mu zinyumba zitaveeye zie ihiiri ya Levi.

1 Avami 13:33

Mwami Jeroboamu wa Isiraeli siyagirung'ana kutura kuzinzira zizie zindamanu, navuzwa yaazizagilira kovoolera avasaalisi kutura mu ihiiri yoosi kutumika ha vwali vwa yaali niyumbaka kali nivavula kutura ku vandu va Levi. Yavika amakono ku manda woosi wenya kutumika kuli musaalisi.

1 Avami 14:9

Umali kokora vwoni vonene ligali kuvita kegero, kandi kuvita yavo vamiiha imbiri woovo. Umali kunyambakana kandi uvuukizi vutima vwange ku lilomba misambwa kandi vifananyi vie vivia viduuki kusigamirwa.

2 Kyetsinyinga 13:8

Kalunu muganaganaa kulwaana nu vwami vwu vunyali uvwa Yahova yahaana ku visukululwi va Daudi. Munyi muveeye ni liihi linene ligali kandi muveeye ni vifananyi vie zigiriki zie zahabu via Jeroboamu yalomba muvisigamiri.

2 Kyetsinyinga 13:9

Munyi mwakunga avasaalisi va Yahova, kisukururwi cha Haruni, kandi ni mukungaa vandu va Levi. Mu vogono vwavo, mutovooye avasaalisi munzira ndala nzere yi zihiiri zindi zitovoleraa mu. Ku vosi oleeta igiriki anoho magondi makore 7 ku vwali anyala kugwa musaalisi wa mulala wa yavo avalangwa avanyasaye vinyu.

Kutwula 32:31

Musa yirana ku Yahova navoora, “Avandu yava vamali kokora uvwoni vonene ligali, na velombeeye umunyasaye wizahabu.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Kwidzulitsa 32:17

Vahaana visiuviliru ku vanyasaye vitali vigiligali; ku avanyasaye vageni va avaguuga vaavo vavura kumanya, avanyasaye va Isiraeli vavura kolonda malago gaavo.

Likunula 16:14

Kigira jiveeye roho ja mademoni, ijikolaa vilolekizu. Roho midamanu jivaga yigi jizizaa ku avami vosi vu mu lirova liosi, kuvavuganyia harara kigira uvulwani vwi Lidiku lie Likalaga lia Nyasaye Wuvunyali.