2 Kyetsinyinga 10:16 - KITABU KITAKATIFU

¹⁶ Lwa vandu vosi va Isiraeli valora ndi Mwami uvuli kuvahulira, vahanzukira mwami, “Kunyi koveeye ni kidieli ki mu Daudi? Sikoveeye ni miandu nu muyaayi wa Jese mba. Sa mulala ku munyi azie yengo weve; O, Isiraeli. Daudi ulindi inyumba yooyo yivi mwene.” Kunangwa avandu vosi va Isiraeli vazia yengo wavo.

2 Kyetsinyinga 10:16 ပူးပေါင်းရင်းမြစ်များ

2 Samweli 15:13

Mutumwa yavolera Daudi, “Mioyo ja avandu va Isiraeli jiyanziliyi Abisolomu.”

2 Samweli 16:11

Daudi yavolera Abishai na vatumikiri veve vosi, “Muyaayi wange mwene agerizaa kunzita; kigira ki mugenye ku mundu wa Benjamini uyu? Yahova amuvooleeye anaame; kunangwa muleke ave yeng'ine kandi leki yanaame.

2 Samweli 20:1

Yaali ho mundu mulala wi miima midamanu mu lidaala lia Giligali uwalangwa Sheba muyaayi wa Bikiri, uwi ihiiri ya Benjamini. Yakuba kisiriva kandi naalangiriza ndi, “Koveeye ni kidieli ki mu Daudi, kandi koveeye na miandu ki mu muyaayi wa Jese! Vasaza va Isiraeli, gendi kuzie sa mulala yengo, weve!”

1 Avami 11:13

Nitali sindavusalanyia vwosi kutura kuyemba, navuzwa ndamuha hiiri ndala vuzwa kigira Daudi mutumikiri wange; kandi kigira lidaala linene Jerusalemi, lia mali kotovola live liange.”

1 Kyetsinyinga 17:14

Ndamuviika ave wuvunyali ku avandu vange kandi ku uvwami vwange mihiga ni mihiga. Uvwami vwivwe si vulava ne keheri mba.’ ”

2 Kyetsinyinga 10:17

Navuzwa Rehoboamu yamiha ku vandu vamenya mu kivala chi Ivuyuda.

2 Kyetsinyinga 10:19

Kutura lwene yilwo, avandu vuvwami vwa Ivaale vwa Isiraeli vazizagilira kwibaala ku vwamihi vwa Daudi kuduuka kalunu ndi.

Zaburi 132:17

Hene hano, ndakora mulala ku visukululwi va Daudi kuva mwami munene ligali; kandi ndalinda liamiiha liu mwami mutovole wange.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Luka 19:14

Navuzwa avandu veve vamudunyira mbitilira nivatuma avandu inyima weve kumulondelera ni vavoolera Mwami Munene: ‘Sikwenyi mundu uyu ave mwamihi wiitu mba.’

Luka 19:27

Navuzwa avasigu vange avatayaanzaa inzi nzamiihi kuvo, mu valeete hano, muviitiri imbiri wange.’ ”

Yohana 6:66

Kigira yaga, avanyingi ku aviigi va Yeso viirana inyima ni vavura kogenda naye kandi.

Yohana 7:53

Kunangwa vosi vazia sa mulala yengo weve.

Vikolwa 2:30

Navuzwa kigira Daudi yaali muporofeti, yamanya ndi Nyasaye yamwisuuhila liesuuha ndi alakola mulala ku visukululwi veve ave mwami mu vogono vwivwe.

1 Vakorintho 15:25

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Vakalagi 8:35

Kali ndio sivali ku nilisandiza ku Gidioni ku vulahi vwa yaali navakoleeye mba.

1 Samweli 20:27

Lidiku lialonda ku, lidiku inyima wu Mweli Muhia uvwiyangu vwa Daudi vwali ni vukikiri uvwere, na Saolo yateeva, Jonazani “Kigira ki Daudi si yaazi kulia chukulia mugolova anoho kalunu?”

1 Samweli 22:13

Saolo yamuteeva, “Kigira ki ivi na Daudi mungoleraa zimbemba nukuhima inzi? Kigira ki numuha chukulia nikivavi, kandi numuteevera Nyasaye? Kalunu umali kungirung'ana kandi alindaa vwiyangu aduuki kunzita!”

1 Samweli 22:7

kandi yavolera avatumikiri veve, “Huliri, avasaza va Benjamini! Muganaganaa ndi Daudi muyaayi wa Jese alahaana milimi ni vizabibu ku munyi mwosi, kandi amukole avanene mu liihi lilie?

1 Samweli 22:9

Doegi yaali nasingiyi ho harara na vatumikiri va Saolo, na yavoola, “Ndalora Daudi lwa yazia ku Ahimeleki muyaayi wa Ahitubu ha Nobu.