2 Kyetsinyinga 10:15 - KITABU KITAKATIFU

¹⁵ Vwali uvulariri vwa Yahova Nyasaye adukize aga yaali niyamoloma ku Jeroboamu muyaayi wa Nebati kuvitira mu muporofeti Ahija kutura Shilo. Yiki nicho chagira mwami navula kuhulira makuva ga vandu.

2 Kyetsinyinga 10:15 ပူးပေါင်းရင်းမြစ်များ

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

1 Avami 12:15

Vwali vulaliri vwa Yahova koleta makuva ga yaali niyamoloma ku Jeroboamu, muyaayi wa Nebati kuvitira mu muporofeti Ahija kutura Shilo. Yiki nicho chagira mwami naahuliriza mativuli ga vandu vamuteeva.

1 Avami 12:24

“Mutingiliri kulwaana avamwavo vinyu Isiraeli mba. Muzie yengo munyi mwosi. Gamali kwekoleka gaveeye mu vulaliri vwange.” Vosi vahulira lilaga lia Yahova ni virana yengo.

1 Avami 22:20

Yahova yateeva, ‘Nivwaha uzia kugaada Ahabu kunangwa aduuki kuzia nukwitirwa ha Ramozi mu Gileadi?’ Valala ku zingelosi vavoola kindu yiki navandi nivavoora kindu kindi vuzwa.

2 Kyetsinyinga 10:14

kuli vayaayi vi likula lilie vaali nivamuheeye zing'anagani. Yavoola, “Baba wange yamudwika misigo miliduhu; Inzi ndajikola miliduhu kali kuvita. Yaamukuyira olokova; na inzi ndamukuyira alokova loveeye kuli amiinu gi zing'e.”

2 Kyetsinyinga 11:4

“Mutingiliri vandu Isiraeli vache vinyu mba. Munyi mwosi muzie yengo. Aga mali kwekoleka gaveeye uvulariri vwange.” Vosi vahulira lilaga lia Yahova kandi si vazia kulwaana Jeroboamu mba.

2 Kyetsinyinga 22:7

Nyasaye yatumikira liluuta yili ku Joramu okolomba Ahazia. Lwa Ahazia yaali naveeye yo, Jehu muyaayi wa Nimushi, uwa Yahova yaali natovoye ukudiviza uvwami vwa avinyumba ya Ahabu yagana navo.

2 Kyetsinyinga 9:29

Vindu vindi viosi via Solomoni yakola, miyinzi jije kutura mu litanga kuduuka ku limalirika, viangiodwa mu kitabu cha makuva gu muporofeti Nazani, mu voporofeti vwa Ahija wa Shilo, kandi mu malola gu muporofeti Ido kandi mu makuva gu vwamihi vwu mwami Jeroboamu wa Isiraeli.

Isaya 19:14

Yahova umali kuvakola kuhaana zing'anagani zio kogoyanyia. Kigira yago, avandu va Egebeti vakora vindu viosi vudamanu kandi vagenda ni vagoyana kuli mundu muhambiku agendaa naateleleka mu maluki geege mwene.

Yohana 19:24

Avasikari yavo vavolerana aveene, “Kutagitandula mba, navuzwa kukubi ikura kolole ilava ya vwaha.” Yaga gekoleka ku gave agiligali kuli gang'odwa mu Mang'oda Matakatifu: “Vagavulana zinguvu ziange, kandi vakuba ikura ku iganza yange.” Kandi nindio avasikari yavo vakora.

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 4:28

Yee, vavugana harara vaduuki kokora vindu viosi via Ivi wasaavira kokora vindu viosi mu zinguru zizio kandi mu vulaliri vuvwo.

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Vakalagi 14:4

Nitali baba weve na mama weve sivamanya ni Yahova wakola yaga mba, kigira Yahova yenya uvwiyangu vwukulwaana vandu va Filisitia. Ing'inga yeyo vandu va Filisitia vaali nivamihaa Isiraeli.

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.