2 Avami 9:6 - KITABU KITAKATIFU

⁶ Vingira vombi munyumba, na umuporofeti musoleri oyo yitulura maguta ga muzeituni ku mutwi gwa Jehu, namuvolera, “Yahova, Nyasaye wa Isiraeli alandizaa ku ivi ndi: ‘Nguvakaa maguta uve mwami wa vandu vange Isiraeli.

2 Avami 9:6 ပူးပေါင်းရင်းမြစ်များ

1 Avami 1:34

aha gaduukanaa Zadoku na Nazani vamuvakiri maguta kuli mwami wa Isiraeli. Ahene yaho, mulakuba kisiriva na muhanzuki, ‘Ahindiri mwami Solomoni!’

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Avami 14:7

Zia ovoolere Jeroboamu ndi yaga nigo ga Yahova, Nyasaye wa Isiraeli amuvoleraa: ‘Ndaakotovola kutura hagati ha vandu ma ningokola mwamihi wa vandu vange Isiraeli.

1 Avami 16:2

“Ivi siwaali mundu wamanyikana mba, navuzwa ndakokola mwimiliri wa vandu vange Isiraeli. Na kalunu umali kokora vwoni kuli Jeroboamu kandi umali kwimilira vandu vange kuduuka mu vwoni. Vwoni vwavo vumali kuvukiza vutima vwange,

1 Avami 19:16

uvake Jehu muyaayi wa Nimushi maguta ave mwami wa Isiraeli, kandi uvake Elisha muyaayi wa Shafati kutura mu lidaala lia Abeli-mehola maguta avuguli vogono vuvwo kuli muporofeti.

1 Avami 3:8

Inzi mbeeye hano hagati ha avandu va ivi wamala kotovola kuva avoovo vene, avandu vaveeye vanyingi ligali muno kali vatavula kuvalizwa.

2 Avami 9:3

Mwituliri amaguta ga muzeituni yaga ku mutwi gwigwe, na ovoole, ‘Yahova alandizaa ndi akuvakaa maguta kuva mwami wa Isiraeli.’ Maku utuli ha vundu yaho vwangu kuli unyaliza.”

2 Avami 9:5

uwa yanyoora avanene vi liihi ni vaveeye mu livugana. Yavoola, “Munene wange, mbeeye ni likuva liilio.” Jehu yateeva, “Ni uliha ku kunyi wa omoloma ku?” Muporofeti yativura, “Ku ivi O, munene wange.”

2 Kyetsinyinga 22:7

Nyasaye yatumikira liluuta yili ku Joramu okolomba Ahazia. Lwa Ahazia yaali naveeye yo, Jehu muyaayi wa Nimushi, uwa Yahova yaali natovoye ukudiviza uvwami vwa avinyumba ya Ahabu yagana navo.

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 75:6

Likalaga lia Nyasaye silitulaa ivugwi anoho imadioli, kandi silitulaa Ivaale anoho Isavaalu mba.

Isaya 45:1

Yahova umali kotovola Sairasi kuva mwami! Umali kumutovola kuguuta zihiiri; Amutumaa kuvugura zinguru zia avami. Yahova alamwigulira virivwa via madara manene. Yahova avooreraa mwami Sairasi ndi,

Danyeli 2:21

Aveeye nu vunyali ku madiku ni zing'inga; avami kandi avatuliza, ni yie uhaana vageri kandi limanya.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 2:7

Akolaa avandu valala vadaka, na vandi vatugi. Agehizaa avalala na vandi avanenehiza.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.