2 Avami 9:37 - KITABU KITAKATIFU

³⁷ Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

2 Avami 9:37 ပူးပေါင်းရင်းမြစ်များ

Zaburi 83:10

Ivi wavadiviza ligali mu lidaala lia Endori ahimbi ni kiguru cha Tabori, kandi miviri jaavo jagundira ku marova.

Zaburi 83:11

Haana amageri ku viimiliri vaavo kuli wakola ku Orebu na Zeebu; Guuta avamihi vaavo vosi kuli wakola ku Zeba na Zalimuna; avami vi kivala cha Midia.

Kohelethu 6:3

Mundu anyala kuva na vana 100, kandi amenye mihiga minyingi, sikeveeye kindu kuva ni limenya litambi niiva avula kusangalira vulahi vwi vindu yivi, kandi avuli konyoora liyavirwa lilahi; maku ndakavooye ndi, mwana wivuliiywi nakuzi, aveeye mulahi kumuvita.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 22:19

Kuli isukiri iyavilwa, mundu uyu alayavilwa ndio, alasiuvwa ichova wi virivwa via Jerusalemi.”

Jeremia 25:33

Ku lidiku yilio, miviri ja avandu va Yahova amali kwiita jirasalanywa kutura kolovega lulala lwi lirova kuduuka ku lovega lundi. Mundu kali mulala si alajisiomera, kinga si jilavugulwa nukuzia kuyavirwa mba. Miviri yiji jirakave kuli kitumi chi isiina kumalova.

Jeremia 36:20

Kunangwa, avanene mu keng'oze cha Elishama, uwaali mung'odi mu mugizi, nivaviika ikaratasi ilingiywi yavaali nayo mu keng'oze cha Elishama, ni vazia mu mugizi gwu mwami, nivavolera mwami makuva goosi.

Jeremia 8:1

“Ku ing'inga yene yeyo, vigumba via avami vi Ivuyuda kandi vigumba via avanene, avasaalisi, avaporofeti kandi na avandu vandi vosi avamenyaa mu Jerusalemi, vilakatulizwi mu virindwa.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Jeremia 9:22

Miviri jiavakuzu jiasalanywa havundu hoosi, kuli vitumi vie isiina mumirimi, kuli uvuswage votemeywi nukungarwa numugesi, kuli uvuswage vumundu atavungizi. Yaga nigo aga Yahova amboleeye mbore.”

Joshua 15:56

Jezireeli, Yokudeami, Zanoa