2 Avami 9:3 - KITABU KITAKATIFU

³ Mwituliri amaguta ga muzeituni yaga ku mutwi gwigwe, na ovoole, ‘Yahova alandizaa ndi akuvakaa maguta kuva mwami wa Isiraeli.’ Maku utuli ha vundu yaho vwangu kuli unyaliza.”

2 Avami 9:3 ပူးပေါင်းရင်းမြစ်များ

1 Avami 1:34

aha gaduukanaa Zadoku na Nazani vamuvakiri maguta kuli mwami wa Isiraeli. Ahene yaho, mulakuba kisiriva na muhanzuki, ‘Ahindiri mwami Solomoni!’

1 Avami 19:16

uvake Jehu muyaayi wa Nimushi maguta ave mwami wa Isiraeli, kandi uvake Elisha muyaayi wa Shafati kutura mu lidaala lia Abeli-mehola maguta avuguli vogono vuvwo kuli muporofeti.

2 Avami 8:13

Hazaeli yateeva, “Nyara kuva ndi wi zinguru kuli ndio? Inzi simbeeye kindu mba.” Elisha yativura, “Yahova umali kumanyia ndi ivi ulakave mwami wa Siria.”

2 Avami 9:6

Vingira vombi munyumba, na umuporofeti musoleri oyo yitulura maguta ga muzeituni ku mutwi gwa Jehu, namuvolera, “Yahova, Nyasaye wa Isiraeli alandizaa ku ivi ndi: ‘Nguvakaa maguta uve mwami wa vandu vange Isiraeli.

2 Kyetsinyinga 22:7

Nyasaye yatumikira liluuta yili ku Joramu okolomba Ahazia. Lwa Ahazia yaali naveeye yo, Jehu muyaayi wa Nimushi, uwa Yahova yaali natovoye ukudiviza uvwami vwa avinyumba ya Ahabu yagana navo.

Kutwula 29:7

Maku uvuguli amaguta gu kuvaka, uzuki ku mutwi gwigwe, ma umuvake.

Danyeli 2:1

Mwami Nebukadineza yaali na maloto mu muhiga gwa kaviri gwi liamiiha lilie. Maloto yaga gamuhendiza mwoyo ligali, kali si yagona mba.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Kyavalevi 8:12

Yavaka Haruni amaguta ku mutwi gwigwe malala ku maguta gu kuvaka, namugasiza kandi namutakasa kigira miyinzi ja Yahova.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 2:13

Lwa avageri yavo vaali nivakazia, henza, engelosi wu Mwami yaloleka ku Josefu mu maloto namuvolera, “Vuka, uvuguli umwana harara na mama weve, wiruki uzie Egebeti. Omenye yo kuduuka lwa ndikovoolera, kigira Herodi azizaa kwenyeleriza umwana uyu kuduuka amwiti.”

Matayo 26:7

Mukali mulala yaza ku Yeso ni juba ya maguta gafunyaa umwayu agu vuguli vonene ligali. Yaagitulura ku mutwi gwigwe lwa yaali nalizaa.

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 15:1

Samweli yavolera Saolo, “Inzi niyie wa Yahova yatuma kuuza kukuvaka amaguta ove mwami wa vandu veve Isiraeli. Kalunu uhulirize ku icha Yahova Wanyala Viosi avoora.

1 Samweli 15:17

Samweli yativura, “Kali nuwiganagana kuva mukekeeke, ivi oveeye mwimiliri wi zihiiri zia Isiraeli. Yahova yakuvaka maguta ove mwami wa Isiraeli.

1 Samweli 16:2

Samweli yateeva, “Nyara ndi kokora ndio? Niiva Saolo alahulira amakuva yaga, alaanzita!” Yahova yativura, “Vugula kemoli uzie nacho ma ovoole ndi uziiyi yo kuhaana kisiuviriru ku Yahova.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”