2 Avami 9:27 - KITABU KITAKATIFU

²⁷ Lwa Ahazia, mwami wi Ivuyuda yalora ichaali ni chekoleki, yirukira kunzira izizaa mu lidaala lia Bezi Hagani. Jehu yamulondelera, nahanzuka, “Mwiti kandi.” Vamulasira losere mu ligare lilie kunzira yanigiraa kuzia Guri ahimbi ni lidaala lia Ibuleamu, navuzwa yirukira Megido ma nakuzira yo.

2 Avami 9:27 ပူးပေါင်းရင်းမြစ်များ

1 Avami 21:2

Lidiku lilala Ahabu yavolera Nabozi, “Mbe kizabibu chicho; keveeye himbi ninyumba yange yu vwami, na nyenya ndumikiri mulimi zana kuli mulimi gwi zinguza. Ndakuha kizabibu kindi kilahi kuvita yiki kigira yiki, anoho, niiva ulenya mutungu ndakutunga vuguli vwagwo vulahi ligali.”

1 Avami 4:12

Baana muyaayi wa Ahiludi yamiha madaala manene ga Tanaki, Megido, kandi kivala choosi ahimbi na Bezishani, ahimbi ni lidaala lia Zarezani, Isavaalu wi lidaala lia Jezireeli kuduuka ku madaala manene ga Abeli-mehola kandi Jokomeamu.

2 Avami 10:4

Navuzwa avamihi va Samaria vatihizwa ligali. Vavoola, “Kunyala ndi kuhing'ana na Jehu, lwu mwami Joramu kinga Ahazia vaali sivanyala?”

2 Avami 11:1

Nonoho, lwa Azalia, mama wu mwami Ahazia yamanya ndi muyaayi weve ukuzi, yahaana malago ndi avinyumba yu vwami vosi kuduuka viitwi.

2 Avami 12:1

Mu muhiga gwa saba gwi liamiiha liu mwami Jehu wa Isiraeli, Joashi yagwa mwami wi Ivuyuda, na Yamiha mu Jerusalemi ku mihiga arubaini. Mama weve yaali Zibia kutura mu lidaala linene lia Beerisheba.

2 Avami 12:21

Vanene zana avamwita vaali Jozakari muyaayi wa Simeazi na Jehozabadi muyaayi wa Shomeri. Joashi yayavirwa mu vilindwa viu vwami mu Lidaala Linene lia Daudi, kandi muyaayi weve Amazia yavugula ovogono vwivwe kuli mwami wi Ivuyuda.

2 Avami 14:19

Haali ho ni lilohiza lie imbisu mu Jerusalemi ukwita mwami Amazia kunangwa yirukira mu Lidaala lia Lakishi, kunangwa avasigu veve vamulondelera yo ni vamwita.

2 Avami 21:23

Avanene va Amoni vamuziila haasi kandi ni vamwitira munyumba yeeye yu vwami.

2 Avami 8:29

Mwami Jehoramu yirana mu lidaala linene lia Jezireeli kulwalizwa mbula ahone zing'oma zia Vasiria vamwaatira ha Rama, lwa yalwana na Hazaeli mwami wa Siria. Ahazia muyaayi wa Jehoramu mwami wi Ivuyuda yasulunguta yo kuzia ku muloraa kigira yaali mulwaye.

Tsing'ano 13:20

Mundu ogendaa harara na vandu vageri, agerihaa, navuzwa niiva ahambana nu muganda gwa valina vasiru, aladivizwa.

Livalidza 16:26

Musa yavolera vandu, “Musingiri ihale kutura ku mahema ga vandu vachamu yava, kandi mutadiiri ku kindu chavo mba. Nigataveeye ndio, mulitwa harara navo kigira vwoni vwavo vwosi.”

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Joshua 17:11

Mugati mwi vivala via zihiiri zia Isakari na Asheri, Manase yaali na madaala manene ga Bezishani, Ibuleamu, Dori liali kunyanza, Endori, Tanaki, na Megido harara na madaala gagakumbiriza.

Vakalagi 1:27

Kunangwa ihiiri ya Manase sivali vanyara kukunga avandu vamenya Bezishani, Tanaki, Dori, Ibuleamu Megido, harara nu tudaala twali ahimbi kugo; kigira vandu va Kanaani vazizagilira komenya mukivala yicho.

Vakalagi 5:19

Ha Tanaki ahimbi na mazi ga Megido, avami vaza nivalwana; avami va Kanaani valwaana, navuzwa sivavugula ifeza mba.