2 Avami 9:17 - KITABU KITAKATIFU

¹⁷ Lwu musikari mulindi uwaali nasingiyi ku kitarazi cho kohenzera ku mu Jezireeli yalora Jehu na vandu veve ni vazaa, yalangiriza, navoora, “Ndolaa muganda gwa avandu ni guuzaa.” Joramu yavoola, “Vugula mundu wu kunina ku ibarasi. Mutumi azie kuvaaganira na avateeve, ‘Mukazaa mu mirembe noho mu vusigu?’ ”

2 Avami 9:17 ပူးပေါင်းရင်းမြစ်များ

2 Samweli 13:34

Mu ing'inga yeyo, Abisolomu yaali niyiruki. Lwene yilwo, musikari waali ku vulindi yahenza nalora kiduma kenene cha avandu kunzira kolovega lwi madioli nivasulunguta. Mulindi oyo yazia navolera mwami, “Ndolaa avandu kolovega lwa Hovonaimu, kolovega lwi kiguru.”

2 Samweli 18:24

Daudi yaali niyikaye hagati hi virivwa viviri. Mulindi wi kirivwa yanina igulu wi kirivwa kuduuka ku lidiiji igulu. Kandi lwa yaginga zimoni zizie igulu, yalora mundu musaza nanyagura yeng'ine.

1 Avami 2:15

Adonija yativura, “Ivi umanyi ndi gandukana inzi mbe mwami, ma kandi avandu vosi mu Isiraeli vaganagana ndio. Navuzwa gamanyi nigekoleka lugano; na amwavo wange agwiyi mwami kigira vulaliri vwa Yahova.

2 Avami 7:14

Vatovora vasaza valala na umwami yavatuma mu magare gaviri gu vulwani. Kolola ichekoleki ku liihi lia vandu Vasiria.

2 Avami 9:11

Jehu yirana ku vanene vache veve, avamuteeva, “Vindu viosi vikaveeye vilahi noho? Mulalu ula yenyangi ki ku ivi?” Yavativulira, “Munyi mumanyi icha yenyangi.”

2 Avami 9:16

Maku yingira mu ligare liu vulwani lilie nazia Jezireeli. Joramu yaali nakikiri kohona, na mwami Ahazia wi Ivuyuda yaali naziiyi yo kumulora.

2 Avami 9:18

Kunangwa mundu wu kunina ku ibarasi yatura vwangu kuzia kwaganira Jehu nateeva, “Mwami ateevaa niiva, ‘Munyi muzaa mu mirembe naho?’ ” Jehu yamutivulira, “Ivi oveeye naki kokora ni mirembe? Girung'ana na ononde inyima!” Na musikari wokohenza yahaana mativuli, “Mutumwa uduuki kuvo, navuzwa siyirana yinu kandi mba.”

2 Avami 9:19

Kunangwa mwami yatuma mutumwa wundi wa kaviri wu kunina ku ibarasi. Lwa yaduuka kuvo, yavoola, “Yaga nigo gu mwami avoora, ‘Munyi mukazaa mu mirembe naho?’ ” Jehu yamutivulira, “Ivi oveeye naki kokora ni mirembe? Girung'ana ononde!”

Isaya 56:10

Aviimiliri vosi, avaadukana viiganihize avandu vange, vaveeye avavoku! Sivamanyi kindu kali hakuzu mba. Vaveeye kuli zimbwa zidimbidi, izitalokaa. Vagona hasi vuzwa nokoloota maloto. Vayaanza kogona zindoolo!

Isaya 62:6

O, Jerusalemi, mali kuviika avasikari ku amadigi giinyu. Si valachiring'ana mu muvasu gwosi kandi mu vudiku vwosi mba. Munyi avizulizaa Yahova, mutaleka amwiviliri mba.

1 Samweli 16:4

Samweli yakola icha Yahova yamuvolera akole, nazia Bezelehemu, uwa viimiliri vi lidaala linene vaza kumwaaganira nivadegeraa; kandi vamuteeva, “Umuloli, ukaazi kukuluuta ku mirembe naho?”

1 Samweli 17:22

Daudi yaleka chukulia, vindu via yaali navio mu vulindi vwu munene ulindaa viukulia ni vindu via vasikari vatumikira, nanyagura kuzia ku liihi lia vasikari, nazia ku avamwavo veve, navacheliza nokoteeva kuli vazizagiliraa.