2 Avami 9:11 - KITABU KITAKATIFU

¹¹ Jehu yirana ku vanene vache veve, avamuteeva, “Vindu viosi vikaveeye vilahi noho? Mulalu ula yenyangi ki ku ivi?” Yavativulira, “Munyi mumanyi icha yenyangi.”

2 Avami 9:11 ပူးပေါင်းရင်းမြစ်များ

2 Avami 4:26

Nyagura kuye vwangu kumwaganira, na umuteeve, gikaveeye mirembe nu musaza weve naho? Gikaveeye mirembe nu muyaayi weve naho?” Mukali oyo yavolera Gehazi ndi vindu viosi viveeye vulahi,

2 Avami 5:21

Kunangwa yaatanga kolondelera Naamani. Lwa Naamani yalora mundu naamulondelera, yika haasi kutura ku ligare lilie liu vulwani, navoora, “Koveeye ni kindu kidamanu noho?”

2 Avami 9:12

Vativura, “Awa! Sikumanyi mba! Kovolere icha avooye!” Jehu yavavolera, “Amboleeye ndi Yahova umali kondovola mbe mwami wa Isiraeli!”

2 Avami 9:17

Lwu musikari mulindi uwaali nasingiyi ku kitarazi cho kohenzera ku mu Jezireeli yalora Jehu na vandu veve ni vazaa, yalangiriza, navoora, “Ndolaa muganda gwa avandu ni guuzaa.” Joramu yavoola, “Vugula mundu wu kunina ku ibarasi. Mutumi azie kuvaaganira na avateeve, ‘Mukazaa mu mirembe noho mu vusigu?’ ”

2 Avami 9:19

Kunangwa mwami yatuma mutumwa wundi wa kaviri wu kunina ku ibarasi. Lwa yaduuka kuvo, yavoola, “Yaga nigo gu mwami avoora, ‘Munyi mukazaa mu mirembe naho?’ ” Jehu yamutivulira, “Ivi oveeye naki kokora ni mirembe? Girung'ana ononde!”

2 Avami 9:2

Lwa uduuka yo, wenye Jehu muyaayi wa Jehoshafati, mwisukulu wa Nimishi. Muhile mu keng'oze cha hambisu ihale kutura ku avalina veve.

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

Isaya 59:15

Agiligali sigaveeye ho mba kali ku vosi oleka likora uvudamanu yiviika umwene mu lidambizwa.” Yahova umali kolola yaga, kandi uvihiliriziywi konyoora ndi sihali ni likalaga lirungi mba.

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Marko 3:21

Lwa avinyumba yeeye vahulira, vazia kumugumira kigira avandu vaali ni vavoola, “Yaali kulaluka.”

Yohana 10:20

Avanyingi kuvo vavoola, “Aveeye ni lidemoni; kandi nu mulalu! Kigira ki mu muhulirizaa?”

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 26:24

Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

2 Vakorintho 5:13

Niiva kololeka kuva avalalu, yago gaveeye ndio kigira Nyasaye. Navuzwa, niiva ziganagani zio vogeri vwitu ni zindahi yago gaveeye ndio kigira vukala vwinyu.